Na źjeździe «Maładoha frontu», što prajšoŭ 30 studzienia ŭ Minsku, byli abranyja staršynia i namieśniki staršyni arhanizacyi, jakaja aficyjna zarehistravanaja ŭ Čechii.
Staršyniom arhanizacyi byŭ pieraabrany Źmicier Daškievič: za jaho kandydaturu prahałasavała 80,2% zasnavalnikaŭ MF.
Na pasady namieśnikaŭ staršyni «MF» byli prapanavanyja kandydatury 5 čałaviek. Usie pretendenty, a mienavita: Mikoła Dziemidzienka (rehijanalny napramak), Aleś Kirkievič (patryjatyčna-spartovy kirunak), Nasta Pałažanka (rehijanalny kirunak), Taćciana Šapućka (infarmacyjna-mižnarodny kirunak) i Ivan Šyła (adukacyjna-mižnarodny napramak) prajšli.
Źjezd zaćvierdziŭ papiaredni płan dziejańniaŭ namieśnikaŭ staršyni «Maładoha frontu» i šerah novych kampanijaŭ: pa dałučeńni Biełarusi da Bałonskaha pracesu, ratyfikacyi Biełaruśsiu Jeŭrapiejskaj ałkaholnaj chartyi i inš.
Akramia taho, była zaćvierdžana stratehija «Maładoha frontu» pad nazvaj «Novaje pakaleńnie».
MF budzie rabić čarhovuju, šostuju, sprobu rehistracyi.
