Kryminalnaja sprava za kradziež aŭtatranspartu raspačata ŭ Hrodnie ŭ dačynieńni da 18‑hadovaha navučenca adnaho ź miascovych licejaŭ.
Jak paviedamili ŭ adździaleńni infarmacyi i hramadskich suviaziej UUS Hrodzienskaha abłvykankama, złačynstva było ŭčyniena viečaram 24 studzienia. Małady čałaviek zhnaŭ aŭtobus «Radzimič» z aŭtavakzała na vulicy Čyrvonaarmiejskaj.
Kiroŭca, kali pajšoŭ adznačać puciavy list, nie tolki nie začyniŭ transpartny srodak, ale i pakinuŭ klučy ŭ zamku zapalvańnia.
Zhonščyk byŭ zatrymany praz 20 chvilin supracoŭnikami Kastryčnickaha adździeła departamienta achovy MUS. Chłopiec znachodziŭsia ŭ stanie ałkaholnaha apjanieńnia.
Małady čałaviek raniej užo byŭ sudzimy za kradziažy aŭtatranspartu. Apošniaje sudovaje pasiadžeńnie adbyłosia ŭsiaho miesiac tamu.
Ciapier navučeniec liceja ŭziaty pad vartu.
0
0
0
0
0
0
