Michaił Kaśpieraŭ. Fota: sacyjalnyja sietki
Bajkier-videabłohier Michaił Kaśpieraŭ, viadomy jak «Miša z Kanady», zahinuŭ u DTZ u Sievastopali, paviedamiŭ RIA Naviny jaho tavaryš, krymski palityčny ahladalnik Siarhiej Viesiałoŭski.
«Na žal, minułaj nočču adbyłasia trahiedyja. Zahinuŭ Michaił Kaśpieraŭ. Mnie na dośvitku patelefanavaŭ naš ahulny siabar Siarhiej i skazaŭ, što Michaił raźbiŭsia», — skazaŭ Viesiałoŭski.
Kaśpieraŭ doŭhi čas žyŭ u Kanadzie i ŭ kancy minułaha hoda pierajechaŭ u anieksavany Krym. Vioŭ palityčny YouTube-kanał «Miša z Kanady».
«Jon rasijski videabłohier i patryjot Rasii, jaki ŭ Kanadzie niekalki hadoŭ vioŭ infarmacyjnuju vajnu suprać Zachadu. Kali jaho tam zusim prycisnuli, jon sabraŭ rečy, adpraviŭ ich kantejnieram, a sam z matacykłam pieralacieŭ akijan i z Paryža vielmi doŭha akružnym šlacham praź niekalki jeŭrapiejskich krain dabiraŭsia da Sievastopala», — skazaŭ Viesiałoŭski.
U pres-słužbie palicyi horada paviedamili ab DTZ minułaj nočču z udziełam matacykła i lehkavuški. Pry hetym asoby ŭdzielnikaŭ darožnaj avaryi nie nazyvalisia.
Pavodle źviestak palicyi, 57-hadovy kiroŭca Harley-Davidson vyjechaŭ na sustrečnuju pałasu i sutyknuŭsia ź lehkavikom.
Čytajcie taksama:
Na vajnie va Ukrainie zahinuŭ prapahandyst z rasijskich «Iźviestij»
U vyniku ŭkrainskaha ŭdaru pa Łuhansku zahinuŭ kamandzir 59-j bryhady
Vykradzienaha ŭ «DNR» amierykanskaha vajenkara Raseła Bentli zabili
