Andrej Dźmitryjeŭ u lipieni 2020 hoda kala CVK. Fota: Naša Niva
20 krasavika z papraŭčaj kałonii № 3 pad Viciebskam vyjšaŭ na volu były kandydat u prezidenty Biełarusi Andrej Dźmitryjeŭ. Pra vyzvaleńnie Dźmitryjeva Radyjo Svaboda paviedamiŭ jahony siabar, jaki ciapier znachodzicca za miažoj.
Andrej Dźmitryjeŭ vielmi zadavoleny, što skončyŭsia jahony termin źniavoleńnia, adčuvaje siabie narmalna i «pieradaje pryvitańnie ŭsim siabram i znajomym ludziam, jakija za jaho pieražyvali».
Ad kamientaroŭ Andrej Dźmitryjeŭ pakul admaŭlajecca. Jon tolki skazaŭ, što «pakul nie vieryć u toje, što ŭžo na voli».
«Tydzień dakładna ni z kim razmaŭlać nie budzie, choča pryjści ŭ siabie. Pra apošnija miesiacy ŭ kałonii raspaviadaŭ, što źmianiŭ prafiesiju, zamiest ačystki dratoŭ źbiraŭ zedliki dy inšuju prostuju meblu. U volny čas čytaŭ, naviedvaŭ spartovuju placoŭku, pry mahčymaści chadziŭ u chram. Ni na što nie skardziŭsia», — raspavioŭ siabar Dźmitryjeva.
Palityk całkam adbyŭ pryznačany jamu termin źniavoleńnia.
Čytajcie taksama:
