Rekłamnaja telekampanija «FiłTB», archiŭnaje fota
U kancy sakavika viadomaha homielskaha pradprymalnika, zasnavalnika rekłamnaj telekampanii «FiłTB» Vitala Filinskaha zatrymała milicyja, jaho aryštavali na 15 dzion za «raspaŭsiud ekstremisckich materyjałaŭ». Zatym Filinski atrymaŭ čarhovyja 15 sutak.
A jaho namieśnik Andrej Vińnikaŭ źnik. Jon vyjšaŭ z domu ŭnačy i bolš tam nie źjaŭlaŭsia. 18 krasavika stała viadoma, što Vińnikava znajšli miortvym. Pra heta paviedamiŭ atrad «Simuran», udzielniki jakoha zajmajucca pošukam źnikłych ludziej.
Jak stała viadoma «Radyjo Svaboda», pravaachoŭnyja orhany siarod inšych viersij pryčyn śmierci Vińnikava razhladajuć suicyd.
Kampanija «FiłTB» była stvoranaja ŭ 1990-ch. Heta adzinaje ŭ Homielskaj vobłaści rekłamnaje ahienctva poŭnaha cykłu, jakoje zajmałasia raspracoŭkaj rekłamy, vykanańniem i raźmiaščeńniem jaje na televizijnych kanałach. Kampanija šmat supracoŭničała ź dziaržaŭnymi ŭstanovami.
