Hałkipier «Barusii» Hrehary Kobiel (źleva) i hulec «Atletyka» Siezar Aśpilikueta. Fota: Martin Meissner / AP
«Atletyka» ŭ Madrydzie ŭ pieršym čverćfinale futbolnaj Lihi čempijonaŭ tydzień tamu vyjhraŭ u «Barusii» 2:1.
Siońnia ŭ Dortmundzie haspadary ŭ pieršym tajmie zabili dva miačy: vyznačylisia Brant i Maatsen z padačy Zabitcera.
«Atletyka» ŭ pačatku druhoha tajma zdoleŭ zraŭniać — 2:2. Spačatku byŭ aŭtahoł Chumielsa, a potym dabiŭ u varoty Dortmunda paśla sieryi ŭdaraŭ Karea.
«Barusija» ŭ adkaz biažyć napierad, spačatku zabivaje Fiulkruh z padačy Zabitcera, a potym praz try chviliny sam Zabitcer — 4:2.
U paŭfinał idzie niamiecki kłub.
«Barsiełona» tydzień tamu vyjhrała ŭ haściach u PSŽ 3:2, a siońnia ŭmudryłasia na svaim poli prajhrać 1:4.
Pryčym pieršaj zabiła (Rafińja) i čatyry razy prapuściła (Dembiele, Vicińja, Mbape ź pienalci i Mbape z hulni).
PSŽ u paŭfinale, dzie zhulaje z «Barusijaj».
U sieradu hulajuć «Bavaryja» — «Arsienał» (pieršy matč 2:2) i «Mančester Sici» — «Reał» (pieršy matč 3:3).
Pieramožcy i ŭtvorać druhuju paŭfinalnuju paru.
Paŭfinały projduć 30 krasavika — 1 maja, matčy ŭ adkaz 7-8 maja. Finał — 1 červienia.
Čytajcie taksama:
«Bajer» ź Levierkuzena ŭpieršyniu ŭ svajoj historyi staŭ čempijonam Hiermanii pa futbole
Žonka najlepšaha futbalista śvietu — 2007 raźviałasia ź im, bo jon byŭ zanadta idealny
Ułady Hiermanii raspracoŭvajuć antyterarystyčny płan na čas praviadzieńnia Jeŭra-2024
