«Tińkoff» źbirajecca stvaryć u biznes-centry, jaki viadomy ŭ narodzie pad nazvaj «Nie-Kiempinski», IT-chab na 900 čałaviek ź pierśpiektyvaj pavieličeńnia štatu da 2 tysiač supracoŭnikaŭ. Pierajezd rabotnikaŭ z ofisaŭ na praśpiekcie Pieramožcaŭ pryznačany na kastryčnik, paviedamlaje Myfin.
U hrupie «Tińkoff» arendnuju ździełku nazyvajuć najbujniejšaj na biełaruskim rynku. Pry hetym ličby nie raskryvajucca. Ekśpierty vydańnia «Viedomosti» miarkujuć, što ŭ hod arenda «Nie-Kiempinski» budzie abychodzicca banku ŭ sumu ad 1,6 da 2,4 młn jeŭra.
Skandalny budynak na bierazie Śvisłačy kala cyrka pieršapačatkova budavali jak hatel «Kiempinski» da čempijanatu śvietu pa chakiei 2014 hoda. Dziela jaje ŭłady źnieśli histaryčny budynak pieršaj minskaj elektrastancyi.
Adnak los skłaŭsia tak, što abjekt doŭha nie dabudoŭvali, a paśla pradali rasijskamu «Śbieru» za 50 młn dalaraŭ. Biełaruskaja dačka rasijskaha banka zajechała ŭ «Nie-Kiempinski» ŭ 2022 hodzie.
Čytajcie taksama:
U Minsku zadymiŭsia «eks-Kiempinski»
U «eks-Kiempinski» adkryŭsia francuzski restaran. Što ŭ mieniu i jakija ceny?
Kala «Niekiempinskaha» ŭ Minsku pastavili pamiatny znak źniščanaj elektrastancyi FOTA
