Džo Bajden. Fota: Evan Vucci / AP
Prezident ZŠA Džo Bajden adpačyvaŭ u štacie Dełaver, ale 13 krasavika (pa amierykanskim časie) vierniecca ŭ Vašynhton, paviedamiła pres-słužba Biełaha doma. Raniej mierkavałasia, što jon vierniecca tolki 14 krasavika.
Pryčyna — nieabchodnaść pravieści kansultacyi z kamandaj pa nacyjanalnaj biaśpiecy z nahody padziej na Blizkim Uschodzie.
ZŠA i Izrail ličać, što Iran moža bližejšym časam nanieści ŭdar pa Izraili ŭ adkaz na zabojstva vysokapastaŭlenych aficeraŭ Korpusa vartavych Isłamskaj revalucyi ŭ vyniku izrailskaj ataki na konsulstva Irana ŭ Damasku 1 krasavika.
13 krasavika iranski śpiecnaz zachapiŭ u Armuzskim pralivie partuhalski kantejnieravoz «MSC Aries», jaki naležyć izrailskamu biznesoŭcu.
Izrail i Iardanija zakryvajuć pavietranuju prastoru. Aeraport Tehierana spyniŭ svaju pracu.
Avijacyja Izraila patruluje pavietranuju prastoru krainy va ŭzmocnienym režymie, u pavietry ŭvieś čas znachodziacca dziasiatki samalotaŭ.
Čakajecca, što siońnia ŭnačy Iran moža nanieści ŭdar pa Izraili i čakaje mahčymaha ŭdaru ŭ adkaz.
