Ivan Vasilevič. Fota z bazy «Kibierpartyzanaŭ»
Ivanu Vasileviču 32 hady. Viadoma pra jaho niašmat. Raniej jon pracavaŭ opieram u Minskim adździele ŭnutranych spravaŭ na transparcie, jakoje padparadkoŭvajecca HUUS Minharvykankama.
Paśla pryjšoŭ u HUBAZiK. Pracuje ŭ 3-m upraŭleńni, jakim kiruje Michaił Biedunkievič. Pa źviestkach kiraŭnika BYPOL Alaksandra Azarava, na 2021-y Vasilevič pracavaŭ staršym opieram u novastvoranym 5-m (tyłavym) adździele i mieŭ zvańnie majora milicyi.
Ale ŭ zapisach pa kantaktnych knihach u inšych ludziej paśla 2021-ha mužčyna padpisany jak «Ivan namieśnik Hajko» i «Vasilevič Ivan 6-y adździeł 3-ha ŭpraŭleńnia».
Možna dapuścić, što 6-y adździeł i ŭznačalvaje Artur Hajko, a Vasilevič jahony namieśnik, bo Alaksandr Azaraŭ kaža, što kali taki adździeł isnuje, to jon stvorany paśla 2021-ha. Artur Hajko ŭpieršyniu prezientavaŭsia jak kiraŭnik niejkaha z adździełaŭ HUBAZiK akurat u 2022-m.
Ivan Vasilevič. Fota ź jahonaj staronki «Ukantakcie»
Mety i zadačy adździeła, namieśnikam kiraŭnika jakoha źjaŭlajecca Vasilevič, taksama nieviadomyja, ale, miarkujučy pa tym, što Hajko sačyŭ za publikacyjami pra Dzień Voli za miažoj, a palitźniavolenuju Novikavu zatrymlivali za internet-aktyŭnaść, možna vykazać zdahadku, što adździeł zajmajecca sačeńniem za aktyŭnaściu biełarusaŭ u sacsietkach, u tym liku ŭ zamiežžy.
U telehramie mužčyna akurat padpisany na šerah pratesnych hrupaŭ, siarod jakich, da prykładu, supołki biełaruskich anarchistaŭ i biełarusaŭ zamiežža.
Supołki, u jakich zaŭvažany Vasilevič
Kamientaroŭ jon amal nie pakidaŭ, adziny viadomy — uchvaleńnie padaŭleńnia pratestaŭ u Kazachstanie.
Kamientar Vasileviča pad videa vysadki «miratvorcaŭ ADKB», jakija vysadzilisia dla padaŭleńnia buntu ŭ Kazachstanie
Nahadajem, učora byŭ apublikavany list, jaki palitźniavolenaja Kaciaryna Novikava zdoleła pieradać z-za krataŭ. Voś, što jana ŭ im napisała:
«Pry zatrymańni mianie biŭ supracoŭnik HUBAZiK Ivan Vasilevič, paśla pryvieźli na Revalucyjnuju, 3 (hałoŭny budynak HUBAZiK) i stavili na ściah, bili ŭsim kabinietam. Skazali, što za maje intervju, kanał i maje piśmovyja zvaroty».
Palitźniavolenuju Kaciarynu Novikavu zatrymali ŭ pačatku leta 2023 hoda i prysudzili šeść z pałovaj hadoŭ źniavoleńnia pa č. 3 artykuła 130 KK («raspalvańnie varožaści abo varažniečy») i pa č. 3 artykuła 203-1 («niezakonnyja dziejańni adnosna piersanalnych źviestak»).
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
«Bili ŭsim kabinietam». Palitźniavolenaja pieradała list na kavałku tualetnaj papiery pra katavańni
My identyfikavali adnaho z hubazikaŭcaŭ, jaki zapisvaje videa z zatrymanymi. Što pra jaho viadoma?
