Tak raniej vyhladała krama Spar na Partyzanskim praśpiekcie, 40. Fota: tvitar
U Minsku zakrylisia kramy Spar. Heta bujnaja niderłandskaja sietka kram z 90-hadovaj historyjaj. Pa ŭsim śviecie pracujuć 13 900 kram u 48 krainach. Nazva, darečy, pierakładajecca jak «jełka» — jaje stylizavanaja vyjava jość na łahatypie kampanii, piša Blizko.by.
Tviter-karystalnik Bar_maley vykłaŭ fatahrafii hastranoma na Partyzanskim praśpiekcie, 40, niedaloka ad stancyi mietro «Partyzanskaja». Tut pracavała pieršaja ŭ Minsku krama Spar, ale ciapier na šyldzie napisana «Ałmi». Pry hetym u afarmleńni eksterjera zachavalisia firmovyja čyrvonyja kolery. Na zdymku taho ž karystalnika ad 1 krasavika krama jašče nazyvajecca Spar.
Ciapier na Partyzanskim praśpiekcie, 40 krama «Ałmi». Fota: tvitar
Pierastaŭ pracavać sajt sparbelarus.by; na sajcie mižnarodnaj sietki ŭ śpisie krain prysutnaści Spar Biełarusi bolš niama. Zhodna z handlovym rejestram Biełarusi, dziejnych kramaŭ Spar u krainie nie zastałosia: jany albo vyklučanyja z rejestra, albo pieraviedzienyja ŭ sietku «Ałmi».
U Minsku pieršaja krama sietki adkryłasia ŭ žniŭni 2017 hoda na Partyzanskim praśpiekcie, 40. Franšyzaj kiravała kampanija «Junifud», jakaja taksama raźvivała sietki «Ałmi» i Zakrama. Pradstaŭniki kampanii kazali, što da 2020 hoda płanujuć adkryć 60 kram u roznych haradach Biełarusi. Ale ŭ vyniku na ŭsiu krainu było ŭ 10 razoŭ mienš kramaŭ: try ŭ Minsku i pa adnoj u Breście, Hrodnie, Babrujsku, Pinsku, Kobrynie i Mazyry. Pry hetym častka ź ich niesła nazvy Eurospar i Interspar.
