Viarchoŭny lidar Irana ajatała Ali Chamieniei. Fota: Office of the Iranian Supreme Leader via AP
Raniej Vašynhton rasparadziŭsia, kab supracoŭniki ambasady ZŠA ŭ Izraili i čalcy ich siemjaŭ abmiežavali pieramiaščeńni pa krainie, piša Bi-bi-si.
Supracoŭnikam amierykanskaj ambasady zabaroniena vyjazdžać za miežy Tel-Aviva (uklučajučy Hiercliju, Nietaniju i Evien-Jechudu), Jerusalima i Bieer-Ševy. Heta abmiežavańnie, jak havorycca na sajcie pasolstva, dziejničaje «da dalejšaha paviedamleńnia».
«Amierykanskija aficyjnyja asoby papiaredžvajuć, što z adkazam Irana pytańnie nie ŭ tym, ci budzie jon, a tolki ŭ tym, kali budzie», — adznačaje karespandent Bi-bi-si na Blizkim Uschodzie Chjuha Bačeha.
MZS Vialikabrytanii taksama zajaviła pra «mahčymaść napadu na Izrail z boku Irana». Vialikabrytanija papiaredžvaje svaich hramadzian pra ryzyki pry pajezdkach u Izrail z kastryčnika minułaha hoda, kali na Izrail byŭ ździejśnieny napad bajevikoŭ «CHAMAS».
Rasijskaje MZS rekamiendavała rasijanam nie jeździć ciapier u Izrail, Livan, na paleścinskija terytoryi i naohuł u hety rehijon.
Čytajcie taksama:
Bajden: U vypadku napadu Irana naša padtrymka Izraila budzie žaleznaj
Izrail rychtujecca da ataki Irana
Padčas avijaŭdaru pa Damasku nibyta zabili iranskaha hienierała
