Aryštavany Doryjan S. Fota: polskaja palicyja
Na źmianieńnie rašeńnia śledčych (raniej jaho abvinavačvali ŭ zhvałtavańni i zamachu na zabojstva), paŭpłyvali vyniki ŭskryćcia 25-hadovaj biełaruski.
Paśla žorstkaha zhvałtavańnia i źbićcia Liza trapiła ŭ balnicu, dzie niekalki dzion znachodziłasia ŭ reanimacyi.
Choć daktary zmahalisia za jaje žyćcio, achviara zhvałtavańnia ŭ rešcie rešt pamierła. Pryčynaj śmierci stała śmierć mozhu.
Pieršapačatkova ŭ abvinavačvańnia nie było dokazaŭ taho, što napad byŭ pramoj pryčynaj śmierci žančyny.
Ale ciapier sabranyja dokazy dazvalajuć vystavić 23-hadovamu mužčynu abvinavačvańnie ŭ zabojstvie.
Na Lizavietu napali ŭ centry Varšavy ŭ noč na 25 lutaha. Dziaŭčynu zhvałtavali i źbili. Praź niekalki dzion jana pamierła ŭ balnicy. Na jaje pachavańnie sabrałasia niekalki socień čałaviek.
Čytajcie taksama:
Dla padtrymki zhvałtavanaj i pakalečanaj u Varšavie biełaruski adkryli dabračynny zbor
Biełarusku zhvałtavali i sprabavali zadušyć u centry Varšavy