Fota: NTSB
Incydent adbyŭsia padčas palotu pa maršrucie z Denviera ŭ Chjustan. U samalota Boeing 737-800 avijakampanii Southwest Airlines padčas uźlotu adarvała ašaloŭku ruchavika. Videa apublikavali pasažyry rejsa.
Na borcie znachodzilisia 135 pasažyraŭ i šeść členaŭ ekipaža. Samalot zmoh viarnucca ŭ Denvier praz 25 chvilin paśla ŭźlotu. Ludziej adpravili ŭ Chjustan inšym bortam Southwest Airlines.
Śpiecyjalisty pravodziać ahlad paškodžanaha samalota. Pry hetym u avijakampanii admaŭlalisia raspaviadać, kali bort apošni raz prachodziŭ techničnaje absłuhoŭvańnie, paviedamlaje Reuters.
Heta ŭžo nie pieršy incydent z samalotami Southwest za apošni čas. Upraŭleńnie hramadzianskaj avijacyi ZŠA rasśleduje jašče dva ekstrannyja vypadki z ruchavikami Boeing, jakija adbylisia ŭ sakaviku ŭ Techasie i ŭ Fłarydzie.
Čytajcie taksama:
Pasoł RF Hryzłoŭ: Biełaruś zmoža vyrablać samaloty «Bajkał» i «Ładaha»
Pra lotčykaŭ, što raźbilisia ŭ Baranavičach, zdymuć mastacki film
Kalininhrad, Białhrad, Dubaj, Kazachstan… Jak biełarusy jeduć ź Jeŭropy dadomu praz trecija krainy
