U noč na paniadziełak, vośmaje krasavika, rasiejskija vojski atakavali Ukrainu 24 dronami-kamikadze typu «Šachied», ukrainskija siły SPA źbivali bieśpiłotniki ŭ Mikałajeŭskaj, Adeskaj, Kiravahradskaj, Chmialnickaj i Žytomirskaj abłaściach, paviedamili ŭ kamandavańni pavietranych sił USU.
U siłach abarony poŭdnia Ukrainy ŭdakładnili, što siem bieśpiłotnikaŭ byli źniščanyja: čatyry ŭ Adeskaj, dva ŭ Mikałajeŭskaj i adzin u Kiravahradskaj abłaściach, piša «Nastojaŝieje vriemia».
U Adeskaj vobłaści, pa słovach kiraŭnika rehijonu Aleha Kipiera, paškodžańni atrymaŭ łahistyka-transpartny abjekt. Abłomki źbitaha «Šachieda» taksama paškodzili AZS u Adeskim rajonie. Paciarpiełych siarod mirnych hramadzian, jak udakładniŭ čynoŭnik, niama.
U Mikałajeŭskaj vobłaści abłomki źbitaha bieśpiłotnika paškodzili vysakavoltnyja linii elektrapieradač, bieź śviatła zastalisia 14 nasielenych punktaŭ, paviedamiŭ kiraŭnik abłasnoj vajennaj administracyi (OVA) Vital Kim.
U Žytomirskaj vobłaści rasijskija drony-kamikadze atakavali abjekt krytyčnaj infrastruktury, siły SPA źbili častku bieśpiłotnikaŭ, pavodle papiaredniaj infarmacyi, achviar i paciarpiełych niama, daŭ spravazdaču kiraŭnik rehijonu Vital Buniečka.
Usiaho ŭ noč na paniadziełak siły ŭkrainskaj SPA źbili 17 «Šachiedaŭ». Taksama rasijskaja armija atakavała Dnieprapiatroŭskuju vobłaść kiravanaj avijarakietaj Ch-59, jaje źbili.
Čytajcie taksama:
U vyniku načnoha ŭdaru pa Charkavie zahinuli šeść čałaviek
Ukrainski pažarnik płača na miescy hibieli svajho baćki-vyratavalnika videa VIDEA
U vyniku načnoha nalotu «Šachiedaŭ» na Charkaŭ zahinuli čatyry čałavieki
