Fota: Mižnarodny alimpijski kamitet
U Baku ŭ niadzielu zaviaršyłasia jeŭrapiejskaja alimpijskaja kvalifikacyja ŭ barcoŭ volnaha stylu. Biełaruskija spartoŭcy zavajavali čatyry licenzii: Aryjan Ciutryn (da 57 kh), Mahamied Kadymahamiedaŭ (da 74 kh), Alaksandr Huštyn (da 97 kh) i Dzianis Chramiankoŭ (da 125 kh), paviedamlaje NAK Biełarusi.
U ciažkaj atletycy ŭ top-10 suśvietnaha rejtynhu pa vynikach startu na Kubku śvietu trapiła Siuzana Vaładźko. Jana taksama atrymała pucioŭku ŭ Paryž.
Takim čynam, u biełaruskaj kamandy na siońniašni dzień 16 alimpijskich licenzij. Adbory na hulni ŭ inšych vidach sportu praciahvajucca, adnak zastałosia niašmat času da Alimpijady, jakaja startuje 26 lipienia.
U 2021 hodzie ŭ Alimpijadzie ŭ Tokia ŭdzielničała 108 biełaruskich spartoŭcaŭ i heta była samaja pravalnaja Letniaja Alimpijada dla biełarusaŭ u historyi. Jany zavajavali ŭsiaho siem miedaloŭ, u tym liku adno zołata (Ivan Litvinovič, batut).
U Alimpijadzie ŭ Rya-de-Žaniejra ŭdzielničali 124 biełarusy. Jany pryvieźli dzieviać uznaharod, u tym liku zołata ŭ skačkach na batucie Uładzisłava Hančarova.
Najbolšaja kolkaść biełarusaŭ brała ŭdzieł u Alimpijadzie ŭ Piekinie: 181 čałaviek, jakija pryvieźli 14 miedaloŭ.
Da Alimpijady dakładna nie buduć dapuščanyja tyja spartoŭcy, jakija padtrymlivajuć vajnu va Ukrainie, a taksama — jakija majuć kantrakty z vajskovymi viedamstvami. Adnak u kožnym vypadku rašeńnie budzie prymacca fiederacyjami vidaŭ sportu.
Nie zrazumieła pakul, ci buduć udzielničać Aryna Sabalenka i Viktoryja Azaranka.
Čytajcie taksama:
Francuzski alimpijec śmiešna zvaliŭsia z tramplina na vačach u Makrona — VIDEA
Mer Paryža: Na Alimpijadzie rasijskim i biełaruskim spartsmienam buduć nie rady
