Ilustracyjny zdymak. Fota: «Naša Niva»
Udzialić maksimalnuju ŭvahu kuzavu
Pieršym miescam, kudy aŭtamabilistam treba zavitać z prychodam ciopłaha nadvorja, musić stać nie šynamantaž, a aŭtamyjka.
Zima — najhoršy pieryjad dla aŭtamabila. Darohi ŭ našaj krainie pasypajuć pieska-salanaj sumieśsiu abo techničnaj sollu ŭ zaležnaści ad nadvorja. Abodva varyjanty vałodajuć vysokaj karazijnaja aktyŭnaściu.
Kab ačyścić aŭtamabil ad reštak soli, zvyčajnaha myćcia kuzava budzie niedastatkova, pakolki vadkaść z sollu i piaskom pranikaje ŭ schavanyja połaści.
Ilustracyjny zdymak. Fota: «Naša Niva»
Aproč kuzava zvonku, nieabchodna staranna vymyć dno aŭtamabila, u tym liku pad elemientami płastykavaj abarony, kali takaja jość. Taksama treba pramyć dźviarnyja prajomy i ŭnutranuju častku dźviarej.
U ideale treba vymyć kołavyja arki pad płastykavaj abaronaj, a taksama parohi, kali na ich jość nakładki. U takich miescach zvyčajny źbirajecca šmat piasku, jaki pastajanna nabiraje vilhotnaść, što spryjaje źjaŭleńniu karozii.
Nie tolki pamyć, ale i abaranić
Kali hrošy dazvalajuć, paśla dbajnaha myćcia možna adpaliravać kuzaŭ i/abo nanieści kieramičnaje pakryćcio.
Taksama ciopły pieryjad hoda źjaŭlajecca najlepšym časam dla antykarazijnaj apracoŭki kuzava. Rabić heta adrazu z nadychodam ciapła nie abaviazkova, ale i adkładać na kaniec leta — pačatak vosieni takija pracedury taksama nie varta, bo bolšaść namahajecca rabić heta mienavita pierad nadychodam zimy, praz što ŭ profilnych servisach mohuć źbiracca čerhi.
Zamianić dyvanki i prasušyć padłohu
Aŭtamabilistam, jakija majuć dva kamplekty dyvankoŭ, možna ŭžo zamianić humovyja na tekstylnyja. Zaadno treba prasušyć padłohu, kali jana taho patrabuje. U advarotnym vypadku heta moža pryvieści nie tolki da źjaŭleńnia niepryjemnaha pachu, ale i vyvieści sa stroju niekatoryja elektryčnyja błoki, častka ź jakich znachodzicca na padłozie.
Pravieryć sistemu kandycyjanavańnia
Niaredka mienavita za zimu pierastaje pracavać kandycyjanier. Zavitać na servis lepiej paśpieć da nastupleńnia śpiakoty, kali ŭ profilnych majsterniach buduć vialikija čerhi.
Zamianić matornaje masła
Niekatoryja śpiecyjalisty rajać mianiać masła pa viaśnie, nie čakajučy dasiahnieńnia peŭnaha prabiehu (rekamiendavanyja ličby roźniacca ŭ zaležnaści ad vidu paliva, marki aŭto i režymu ekspłuatacyi).
Uzimku pierapady tempieratur masła mohuć dasiahać 120°S. Adbyvajecca nasyčeńnie masła palivam padčas ruchu aŭtamabila ź nieprahretym matoram. Praz heta ŭzimku masła hublaje svaje ŭłaścivaści značna chutčej, čym letam.
Taksama varta padumać pra zamienu paliŭnaha filtra. Asabliva kali vy nie zrabili heta pierad zimoj.
Ilustracyjny zdymak. Fota: «Naša Niva»
Pravieści dyjahnostyku padvieski
Paśla zimy varta zajechać na STA, kab zrabić dyjahnostyku chadavoj. Humovyja detali pry nizkich tempieraturach padviarhajucca padvyšanaj nahruzcy. Jość ryzyka, što za zimu mahli padmierznuć i pačać padciakać amartyzatary, tamu ahulnaja dyjahnostyka padvieski paśla zimy dakładna nie budzie lišniaj.
Šynamantaž
Narešcie, nie lišnim budzie pieraabuć šyny, kali vy nie kruhły hod jeździcie na «zimie». Mianiać zimovyja šyny na letnija rekamiendujuć pry pavyšeńni siaredniasutačnaj tempieratury bolš za +7. Pry vysokich tempieraturach zimovyja pakryški majuć horšyja pakazčyki ŭ paraŭnańni ź letnimi. Aproč hetaha, jany chutčej znošvajucca, a kali šyny majuć šypy, to jany jašče i dadatkova psujuć darožnaje pakryćcio. Kali mianiać pakryški vy nie źbirajeciesia, to varta prynamsi pravieryć cisk u šynach.
Čytajcie taksama:
U Biełarusi novyja staŭki ŭtylizacyjnaha zboru na aŭto. Niekatoryja mašyny mocna padaražejuć, a inšyja naadvarot stanuć tańniejšyja
Litoŭskaja mytnia zatrymała aŭtamabil, jaki pierahaniaŭ biełarus
U Rasii pad inšym brendam adnavili vypusk papularnych u nas biudžetnikaŭ Hyundai i KIA. Novaja nazva i ceny
