Madel ukrainskaha drona-kamikadze vialikaj dalnaści «Luty». Fota: Defence Express
Jak pišuć analityki Defence Express, kali vam nieabchodna trapić u cel na adlehłaści bolš za 1200 km, to važnym elemientam takich napadaŭ źjaŭlajecca navihacyja: dron nie tolki pavinien vyjści prosta na cel, ale i pralacieć składanym maršrutam, z abychodam zon SPA praciŭnika.
Heta možna zrabić z dapamohaj spadarožnikavaj navihacyi, ale takaja sistema ŭraźlivaja da srodkaŭ radyjoelektronnaj baraćby kštałtu stacyjanarnaha kompleksu «Taboł» ci mabilnaha — «Murmansk-BN», jakija Rasija rasstaviła pa vialikaj terytoryi, stvaryŭšy «pali REB» u miežach cełych abłaściej i ŭkłaŭšy ŭ heta kałasalnyja srodki.
Tajamnicu taho, jak ukrainskija dalnabojnyja drony mohuć pieraadolvać abaronu praciŭnika i ździajśniać paśpiachovyja ataki, raskryŭ analityk-daśledčyk Karaleŭskaha abjadnanaha instytuta abaronnych daśledavańniaŭ (RUSI) Noa Silvija (Noah Sylvia), kamientujučy CNN niadaŭnija napady pa terytoryi Rasii:
«U ich jość takaja reč, jak «mašynny zrok», jaki ŭjaŭlaje saboj raznavidnaść štučnaha intelektu».
Jak piša Defence Express, havorka idzie pra dastatkova viadomuju sistemu pad nazvaj DSMAC, ale pašyranuju z dapamohaj sučasnych technałohij.
Sistema źjaviłasia jašče na takich rakietach, jak Tomahawk, i jaje sutnaść zaklučajecca ŭ zakładcy ŭ pamiać rakiety etałonnaj vyjavy miascovaści, jakaja maje dakładnuju pryviazku da kaardynataŭ. Kali rakieta lacić, jana robić fota pavierchni i paraŭnoŭvaje jaho z etałonnaj vyjavaj.
Ale kali ŭ 80-ch i 90-ch hadach minułaha stahodździa isnavali značnyja abmiežavańni, źviazanyja z abjomam pamiaci i vyličalnymi mahčymaściami, to ciapier možna zahruzić uvieś maršrut. Bolš za toje, za košt sučasnych ałharytmaŭ raspaznańnia abjektaŭ zrabić tak, što sistema budzie paŭnavartasna sama aryjentavacca ŭ prastory pa zakładzienych aryjencirach.
Pryncyp pracy DSMAC. Krynica: Guidance and Navigation in the Global Engagement Department
Pavodle anałahičnaha pryncypu realizujecca sistema naviadzieńnia na kaniečnym učastku dla naviadzieńnia na cel. Takaja technałohija skarystanaja ŭ kryłataj rakiecie Storm Shadow.
Jak adznačajuć śpiecyjalisty, DSMAC dazvalaje poŭnaściu ihnaravać REB voraha i atakavać sa zvyšvysokaj dakładnaściu.
Heta ŭsio całkam tłumačyć, jak mienavita takija drony, jak «Luty», atakujuć nie prosta naftapierapracoŭčy zavod, a mienavita ŭstanoŭki pieršasnaj pierapracoŭki nafty z charakternaj kałonaj.
Čytajcie jašče:
«Pračniciesia, nichto vas nie abaronić». Kiraŭnik Tatarstana nie vieryć u mahčymaści rasijskaj SPA
Dron atakavaŭ NPZ u Nižniakamsku
Ukrainskija drony atakavali pradpryjemstva ŭ Tatarstanie, dzie vypuskajuć «šachiedy»
«Rasija — heta bienzakałonka z armijaj. I my majem namier źniščyć hetuju bienzakałonku»
