U toj zajavie rasijskaje MZS patrabavała ad Ukrainy aryštavać kiraŭnika SBU, a taksama inšych asob, jakich jany abvinavacili ŭ terarystyčnaj dziejnaści.
«Sprabujučy apielavać da normaŭ mižnarodnaha prava, a mienavita da Kanviencyi ab baraćbie z teraryzmam, MZS RF zabyvaje, što mienavita Pucin aficyjna abvieščany ŭ mižnarodny vyšuk — u pryvatnaści, jaho čakajuć u Haahskim trybunale za vykradańnie ŭkrainskich dziaciej», — pryvodzić «Ukrainskaja praŭda» kamientar pres-słužby SBU.
«Asabliva cynična zajavy ab teraryźmie hučać ad samoj krainy-terarysta na fonie hadaviny vyzvaleńnia Bučy i źvierstvaŭ, jakija tam ździajśniali rasiejcy. My pamiatajem kožnaha zahinułaha ŭkrainca i zrobim usio, kab vorah atrymaŭ spraviadlivuju adpłatu.
Tamu lubyja słovy rasijskaha MZS źjaŭlajucca nikčemnymi. RF napraŭdu moža zrabić tolki adnu zajavu, jakuju varta ŭvahi — na ŭvieś śviet abviaścić ab svajoj parazie ŭ vajnie i ab vyvadzie akupacyjnych vojskaŭ z ukrainskaj ziamli», — adkazała SBU.
Čytajcie taksama:
Rasija patrabuje, kab Ukraina aryštavała kiraŭnika SBU
«Prylepin zastaŭsia žyvy, ale biez hienitalij» — kiraŭnik SBU raskazaŭ padrabiaznaści śpiecapieracyj
