Padraździaleńni MNS vyjechali pa paviedamleńni ab zadymleńni ŭ mietro na pierahonie pamiž stancyjami Kastryčnickaja i płošča Lenina.
Paśla prybyćcia da miesca incydentu pravodziłasia evakuacyja ludziej. Na praśpiekcie Niezaležnaści kala stancyi mietro «Kastryčnickaja» byli niekalki pažarnych mašyn.
Paźniej mietrapaliten raskazaŭ pra situacyju:
«30 sakavika ŭ 9:35 adbyłosia zaciskańnie tarmaznych kałodak u ciahniku, jaki ruchaŭsia pamiž stancyjami «Kastryčnickaja» i «Płošča Lenina», što pryviało da ŭźniknieńnia dymu i spynieńnia ruchu sastavaŭ pa Maskoŭskaj linii mietro. U 9.56 ruch ciahnikoŭ byŭ adnoŭleny, mietro pracuje ŭ štatnym režymie. Minski mietrapaliten prosić prabačeńnia ŭ pasažyraŭ za dastaŭlenyja niazručnaści».
Čytajcie taksama:
Minski mietrapaliten raspavioŭ, kolki čałaviek u im moža schavacca
U minskim mietro ŭzmacnili miery biaśpieki ŭ suviazi z teraktam u Padmaskoŭi
