Zdymak ilustracyjny
Ciapier pretenzii i zajaŭki, pakinutyja praz słužbu 115 (niavažna, telefonny heta zvanok, sajt ci mabilny dadatak), stanuć rehistravacca jašče i ŭ aŭtamatyzavanaj sistemie «Dyśpietčarskaja słužba». Na kožnuju zajaŭku budzie aformlenaja rehistracyjnaja kartka z prysvajeńniem unikalnaha numara.
«Dyśpietčarskaja słužba» — heta ŭnutrany resurs dla kamunalnikaŭ, i mienavita tam śpiecyjalisty buduć abmieńvacca infarmacyjaj, pieranakiroŭvać zajaŭki adzin adnamu, sačyć za terminami vykanańnia, a taksama papiaredžvać dyśpietčaraŭ 115 pra zapłanavanyja raboty i kamunalnyja nadzvyčajnyja zdareńni.
Spažyŭcam «Dyśpietčarskaja słužba» daść mahčymaść skardzicca na kamunalnikaŭ. Na praciahu troch dzion paśla zakryćcia zajaŭki dyśpietčary buduć źbirać zvarotnuju suviaź (praściej kažučy, telefanavać zajaŭnikam i pytacca, ci ŭsio likvidavana) i ŭ adpaviednaści z vodhukami rabić paznaki ŭ rehistracyjnaj kartcy.
Kali čałaviek narakaje na jakaść rabot abo paviedamić, što jany naohuł nie byli vykananyja, zajaŭka budzie znoŭ adkrytaja, pryčym na likvidacyju niedachopaŭ budzie vydzieleny ŭsiaho adzin pracoŭny dzień.
Zrešty, možna i nie čakać zvanka ad dyśpietčara, a źviarnucca sa skarhaj samastojna. Zajaŭka tady taksama budzie adkrytaja paŭtorna i pastaŭlenaja na kantrol.
Taksama ŭ dakumiencie ŭdakładniajecca, što pry najaŭnaści ŭ aŭtamatyzavanaj sistemie «Dyśpietčarskaja słužba» zarehistravanaj zajaŭki, jakoj jašče nie prysvojeny status «zakrytaja»,
rehistracyja paŭtornych zvarotaŭ ad adnaho i taho ž spažyŭca pa tym ža pytańni budzie aformlenaja jak «kansultacyja pa raniej padadzienaj zajaŭcy». Infarmacyja pra paŭtornyja zvaroty abaviazkova budzie ŭniesiena ŭ rehistracyjnuju kartku.
Kali niechta bolš lubić telefanavać, a nie słać elektronnuju zajaŭku, to maksimalny čas čakańnia adkazu apieratara dla takich ciapier vyznačany ŭ adnu chvilinu. Vyklučeńnie zroblena tolki dla vypadkaŭ, kali pretenzii i zajaŭki padajucca ŭ pieryjad pierapynkaŭ u akazańni kamunalnych pasłuh u suviazi z avaryjami i inšymi nadzvyčajnymi situacyjami dy likvidacyjaj ich nastupstvaŭ.
Novaja intehravanaja sistema budzie ŭklučać:
- abłasnyja kantakt-centry, kantakt-centr horada Minska;
- vykanaŭcaŭ pa akazańni ŽKP i inšych vykanaŭcaŭ — jurydyčnych asob abo IP, jakija akazvajuć (vykonvajuć) pasłuhi (raboty «pa ŭtrymańni i ekspłuatacyi abjektaŭ inžyniernaj infrastruktury, utrymańni prydamavych terytoryj, utrymańni (ekspłuatacyi) abjektaŭ źniešniaha dobraŭparadkavańnia, inšyja pasłuhi (raboty) u adpaviednaści z kłasifikataram aŭtamatyzavanaj sistemy «Dyśpietčarskaja słužba»;
- dziaržaŭnuju ŭstanovu «Respublikanski infarmacyjny centr žyllova-kamunalnaj haspadarki» (u častcy ažyćciaŭleńnia manitorynhu pryjomu i vykanańnia pretenzij);
- miascovyja vykanaŭčyja i rasparadčyja orhany.
Pastanova ŭstupiła ŭ siłu z 28 sakavika 2024 hoda.
Čytajcie taksama:
U Minsku biarucca za maštabnuju zamienu adrasnych tabličak na damach
U staličnym domie abmiežavali dostup da kantejniernaj placoŭki. Čamu?
