Fota: Sentiero.by
«Pieršy rejs 1 krasavika adpravicca ŭ 20.00 ź Viciebska, a dalej budziem karektavać raskład, tamu što nie viedajem, što budzie na miežach, — paviedamili ŭ kantakt-centry kampanii. — Nazad ź Vilni pieršy rejs budzie ŭ 15.00 (2 krasavika. — Zaŭv. red.), a dalej budziem hladzieć. Nam treba zrazumieć, što na miežach, jak nas prapuściać».
Košt prajezdu — 160 rubloŭ u adzin bok.
Pra inšyja maršruty (raniej byli rejsy taksama ŭ Koŭna i Šaŭli) pakul što havorki nie viadziecca.
Kampanija «Sientyjera» admianiła rejsy ŭ Litvu ŭ kancy lutaha.
«U suviazi z tym, što Litva zabaraniła pieravozku pasažyraŭ u nierehularnych znosinach, z 29 lutaha my vymušanyja prypynić usie rejsy ŭ/ź Litvy, — paviedamlaŭ tady ŭ svaich sacsietkach pieravozčyk. — Vielmi spadziajemsia, što ŭ chutkim časie situacyja vyrašycca na našu karyść i rejsy buduć adnoŭlenyja. Dyśpietčarskaja pracavać nie budzie».
Akramia niadaŭniaha zakryćcia dvuch pamiežnych pierachodaŭ, Litva taksama z 1 sakavika zabaraniła nierehularnuju aŭtobusnuju pieravozku biez dazvołu.
Čytajcie taksama:
Admianili jašče adzin aŭtobusny maršrut, jaki chadziŭ ź Biełarusi ŭ Litvu
Bujny pieravozčyk raskazaŭ, što z aŭtobusami ŭ ES paśla zakryćcia «Katłoŭki» i «Pryvałki»
Z Hrodna ŭ Biełastok — za 43 hadziny. Biełaruski aŭtobus pastaviŭ rekord pa časie na miažy
