Džo Bajden. Fota: Evan Vucci / AP
Prezident ZŠA Džo Bajden znoŭ nazvaŭ rasijskaha prezidenta Uładzimira Pucina «miaśnikom» i zaklikaŭ amierykanskich vybarščykaŭ padtrymać pavyšeńnie padatkaŭ dla zamožnych hramadzian, kab dapamahčy Ukrainie supraćstajać Rasii, piša The Moscow Times.
«Ujavicie, što my mahli b zrabić z hetym. My mahli b istotna skaracić deficyt fiederalnaha biudžetu. My mahli b paśladoŭna zrabić tak šmat usiaho. U tym liku — narešcie abaranić Ukrainu ad miaśnika Pucina», — skazaŭ Bajden padčas vystupu ŭ Paŭnočnaj Karalinie.
U pryvatnaści, Bajden prapanuje pavialičyć padatak na prybytak dla zamožnych hramadzian z 8,2% da 25%. Pavodle jaho słoŭ, heta dazvoliła b pryciahnuć u biudžet sotni miljardaŭ dołaraŭ u najbližejšyja 10 hadoŭ.
Da hetaha prezident ZŠA nazyvaŭ Pucina «miaśnikom» 26 sakavika 2022 hoda — praź miesiac paśla poŭnamaštabnaha ŭvarvańnia va Ukrainu.
Sioleta ŭ lutym amierykanski lidar taksama źniavažliva vykazaŭsia ŭ adras Pucina. «U nas jość varjaty sukiny dzieci, jak hety chłopiec Pucin i inšyja, i nam zaŭsiody davodzicca pieražyvać nakont jadziernaha kanfliktu», — skazaŭ Bajden.
Jašče da pačatku vajny va Ukrainie Bajden pahadziŭsia sa śćviardžeńniem, što Pucin źjaŭlajecca zabojcam.
Čytajcie taksama:
Prezident Bajden — Pucinu i Trampu: My nie kiniem sajuźnikaŭ
Bajden aficyjna zajaviŭ pra 500 novych sankcyjnych abmiežavańniaŭ suprać Rasii
