Franak Viačorka. Fota «Našaj Nivy»
«Siońnia Biełaruś žyvie va ŭmovach paŭzučaj akupacyi. My viarnulisia da situacyi, jakaja była va ŭsich aŭtarytarnych krainach.
Pieršaje — heta pašyreńnie infarmacyi — jak z našaha boku, hetak i samimi ludźmi. Kožny biełarus i biełaruska musiać sami vyrašać, nakolki jany hatovyja ryzykavać.
Druhoje — heta padtrymka mabilnaści ludziej. I mahčymaść reabilitavacca, i prosta mahčymaść pabačycca ź siabrami. Heta toje, što my pastajanna łabirujem.
Treciaje — jurydyčnaja i psichałahičnaja padtrymka ŭnutry krainy. Heta jašče adna mahčymaść, jakuju my starajemsia padtrymlivać.
Dla biełarusaŭ unutry krainy niebiaśpiečnaja lubaja kamunikacyja z nami. I dla nas vielmi važnaje pytańnie taksama pra toje, jak nie naškodzić, jak zachavać dastatkovy ŭzrovień biaśpieki.
My bačym taksama, što, naprykład, da sazvonaŭ z Ofisam dałučajecca šmat novych ludziej, navat tych, chto zusim nie ŭdzielničaŭ u pratestach 2020 hoda. I ja dumaju, što vielmi važna ich zrabić kamunikacyju z nami biaśpiečnaj.
Treba stavić ambitnyja mety i adstojvać svaje intaresy, niahledziačy na toje, što heta składana. Siarod takich metaŭ, naprykład, i pašpart Novaj Biełarusi — kali my heta zrobim, to heta budzie precedent, i ŭ hetym pytańni ŭžo jość vialiki prahres.
Ja miarkuju, što nie da kanca maju prava raić niešta biełarusam unutry krainy. Ale, na moj pohlad, varta być ciarplivymi. I varta padkreślivać, što biełarusy ŭnutry krainy i biełarusy zvonku — adna nacyja. Heta toje, što režym sprabuje źniščyć».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Ofis Cichanoŭskaj pravioŭ kanfierencyju ŭ raskošnaj vile ŭ centry Prahi. Kolki kaštavała arenda?
«Pieramovy ab vyzvaleńni palitźniavolenych treba ŭžo vieści nie z Łukašenkam, a z Kramlom» — Stryžak
