Deputaty pryvitali novuju kalehu na movie žestaŭ, padniaŭšy dałoni ŭvierch. Heta pieršy vypadak u historyi, kali ŭ parłamient FRH prajšoŭ hłuchi zakanadaŭca. Padčas pasiadžeńniaŭ pobač z trybunaj staršyni zaraz pracuje surdapierakładčyk, piša Bild.
«Siońnia my faktyčna pišam historyju, kali možna tak skazać. Upieršyniu ŭ nas deputat biez słychu, jaki budzie pradstaŭlać svaju vybarčuju akruhu. My vielmi radyja novaj kalezie i jaje pracy ŭ hetym budynku», — skazała staršynia Bundestaha Bierbiel Bas.
Chojbach hłuchaja na abodva vuchi z-za infiekcyi, jakuju pieraniesła ŭ malenstvie. Jana rodam z-pad Aŭhsburha, u jaje muž i dźvie dački.
Muž taksama hłuchi, dzieci narmalna čujuć i havorać. Siamja kamunikuje na movie žestaŭ.
Čytajcie taksama:
U Ispanii ŭpieršyniu ŭ rehijanalny parłamient abrali žančynu ź sindromam Daŭna
Hałasuj nie hałasuj. Spoviedź byłych deputataŭ pra toje, jak Łukašenka pryznačaŭ ich u parłamient
Mužčyny spračajucca, kolki miescaŭ u Kaardynacyjnaj radzie pavinny zajmać žančyny
