Fota: UNIAN
Pry napadzie na Ukrainu ŭ noč na 22 rasijskija vajennyja prymianili 151 srodak pavietranaha napadu, zajavili Pavietranyja siły USU. Heta byŭ kambinavany rakietna-avijacyjny ŭdar pa abjektach krytyčnaj infrastruktury Ukrainy, havorycca ŭ ranišniaj zvodcy.
U atacy byli zadziejničanyja 63 udarnyja bieśpiłotniki typu Shahed, 12 balistyčnych rakiet «Iskander-M», 40 kryłatych rakiet Ch-101/Ch-555, zapuščanych z 13 stratehičnych bambavikoŭ Tu-95MS z akvatoryi Kaśpijskaha mora, piać kryłatych rakiet (ich zapuścili piać bambavikoŭ Tu-22M3 z Rastoŭskaj vobłaści), skazana ŭ zvodcy.
Akramia taho, byli vykarystanyja siem aerabalistyčnych rakiet Ch-47M2 «Kinžał», dźvie kiravanyja avijacyjnyja rakiety Ch-59 i jašče 22 zienitnych kiravanych rakiet S-300/S-400, padličyli USU.
Źbić udałosia 55 dronaŭ-kamikadze, 35 kryłatych rakiet Ch-101/Ch-555 i dźvie avijacyjnyja Ch-59.
Čytajcie taksama:
Ciońniašniaja ataka na enierhasistemu Ukrainy — najbujniejšaja za ŭvieś čas vajny
Rasija druhuju noč zapar nanosić masiravany rakietny ŭdar pa Ukrainie
Na Zaparožskaj AES adklučyłasia adna ź dźviuch elektralinij, što siłkujuć stancyju
