Pavieł Biełahałoŭ
Zhodna z pratakołam ab administracyjnym parušeńni, mužčyna 26 listapada 2020 hoda zachavaŭ u siabie ŭ Viber va ŭkładcy «Maje natatki» spasyłku na materyjał spartyŭnaha sajta Tribuna, jaki amal praz hod paśla taho, 25 žniŭnia 2021 hoda, byŭ uklučany ŭ «śpis ekstremisckich materyjałaŭ». Pakolki na momant zatrymańnia 22 lutaha 2024 hoda mahiloviec nie vydaliŭ hetuju spasyłku z natatak, Leninski RUUS zavioŭ na jaho administracyjnuju spravu.
Ale 23 lutaha Natalla Panasienka vyniesła niečakany vierdykt:
«Nie pradstaŭlena dokazaŭ, jakija paćviardžajuć, što vyšejzhadanuju infarmacyjnuju pradukcyju B. zachoŭvaŭ u katehoryi «Maje natatki» z metaj raspaŭsiudžvańnia», — havorycca ŭ rašeńni, apublikavanym u Banku sudovych pastanoŭ.
Pavodle infarmacyi Mayday Team, čałaviekam, jakoha milicyja sprabavała padvieści pad administracyjnuju adkaznaść, byŭ były palitviazień Pavieł Biełahałoŭ. Jon 29 vieraśnia 2021 hoda byŭ zatrymany pavodle tak zvanaj «spravy Zielcera». 25 žniŭnia 2022 hoda sud Drybinskaha rajona pryznaŭ jaho vinavatym u «abrazie pradstaŭnika ŭłady» (art. 369 Kryminalnaha kodeksa) i «dyskredytacyi Respubliki Biełaruś» (art. 369-1) i prysudziŭ da 2 hadoŭ i 6 miesiacaŭ pazbaŭleńnia voli.
Pavieł Biełahałoŭ całkam adbyŭ svoj termin i vyjšaŭ na volu, pa padlikach pravaabaroncaŭ, 10 kastryčnika 2023 hoda.
Čytajcie taksama:
U Krupkach sud apraŭdaŭ abvinavačanaha ŭ «raspaŭsiudzie ekstremisckich materyjałaŭ»
Supracoŭnika fondu «Viartańnie» buduć sudzić za danat
Strymiera i hałoŭnaha redaktara ixbt.games Vitala Kazunova aryštavali na 10 sutak
