Aleh Viarcinski na videa SK
Śledčy kamitet rasśleduje hvałtoŭnyja dziejańni seksualnaha charaktaru ŭ adnosinach da 6-hadovaha chłopčyka. Złačynstva adbyłosia ŭ 2012 hodzie ŭ adnoj ź minskich škoł. Tady nieviadomy mužčyna zajšoŭ uśled za dziciem u tualet, zrabiŭ nieprystojnyja dziejańni i vyjšaŭ. Chłopčyk adrazu raskazaŭ pra zdareńnie darosłym, ale złačyncu tak i nie znajšli.
SK paviedamlaje, što novyja technałohii dazvolili identyfikavać hvałtaŭnika. Aproč taho, padazravany — 36-hadovy Aleh Viarcinski — daŭ pryznalnyja pakazańni.
Aleh Viarcinski
Admietnaść situacyi ŭ tym, što Viarcinski ŭžo znachodzicca ŭ kałonii. Jon adbyvaje pakarańnie pa dvuch artykułach — za takija samyja hvałtoŭnyja dziejańni seksualnaha charaktaru ŭ dačynieńni da zaviedama małaletniaj, a taksama za ŭdzieł u pratestach.
Prapahanda publikuje zdymki Viarcinskaha z roznych maršaŭ pratestu — 2020. Jamu ŭ vinu staviłasia znachodžańnie na prajeznaj častcy.
U 2021 hodzie Viarcinskamu prysudzili 15 hadoŭ źniavoleńnia — 2 hady za ŭdzieł u pratestach i 14 hadoŭ za seksualny hvałt.
Ciapier jaho buduć sudzić znoŭ.
Infarmacyja pra Viarcinskaha jak asudžanaha pa palityčnym artykule jość na sajcie «Viasny», adnak pravaabaroncy nie patrabujuć jaho nieadkładnaha vyzvaleńnia, jak u situacyi z palitviaźniami.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
