Ranicaj 15 sakavika na terytoryi Biełharada abjavili pavietranuju tryvohu ŭ suviazi z pahrozaj abstrełu. U Minabarony Rasii zrabili spravazdaču ab źniščeńni siami snaradaŭ, vypuščanych, pa śćviardžeńni viedamstva, ukrainskimi vajskoŭcami z RSZA «Vampir», piša «Mieduza».
Fota: Baza
RIA «Naviny» paviedamiła, što z-za rakietnaj niebiaśpieki ludzi, jakija pryjšli prahałasavać na vybarach prezidenta, byli vymušany pakinuć učastki. Mienš čym praz paŭhadziny hałasavańnie praciahnułasia.
Pa źviestkach telehram-kanała Shot, u vyniku napadu ŭ Biełharadzie paškodžanyja niekalki mašyn. Taksama paviedamlajecca, što ŭ adnoj z častak horada ŭźnik pažar, jaho ŭdałosia łakalizavać.
Infarmacyi ab paciarpiełych u vyniku abstrełu niama.
Z pačatku hetaha tydnia Biełharadskaja vobłaść nieadnarazova padviarhałasia abstrełam i atakam. 14 sakavika ŭ vyniku atak u rehijonie zahinuli dva čałavieki, nie mienš za 19 paciarpieli. Pierad hetym farmavańni rasijanaŭ, jakija vajujuć na baku Ukrainy, zaklikali žycharoŭ evakujavacca, a rasijskija «vajenkary» paviedamili ab bajach z «dyviersantami» ŭ Biełharadskaj i Kurskaj abłaściach.
Čytajcie taksama:
Adbyŭsia prylot u centry Biełharada
