DragonFire paražaje cel. Fota: Ministerstva abarony Vialikabrytanii
Na dniach ministerstva abarony Vialikabrytanii abviaściła ab paśpiachovych vyprabavańniach łaziernaj zbroi DragonFire. Jak zajaviŭ kiraŭnik ministerstva abarony Vialikabrytanii Hrant Šaps (Grant Shapps), taki bajavy łazier zdolny «karennym čynam źmianić bajavuju prastoru», bo nie maje patreby ŭ darahich bojeprypasach i minimizuje spadarožnuju škodu.
Dalokaść dziejańnia DragonFire zasakrečanaja, ale heta zbroja pramoj bačnaści i moža parazić lubuju bačnuju cel. Jaje dakładnaść ekvivalentnaja traplańniu ŭ adnafuntavuju manietu (23 mm) z adlehłaści ŭ kiłamietr.
Da taho ž vykarystańnie DragonFire vielmi tannaje — košt strełu składaje mienš za 10 funtaŭ sterlinhaŭ. Mienavita hetaja apošniaja admietnaść robić łaziernuju zbroju vielmi žadanaj praktyčna dla kožnaj armii śvietu.
U kłasičnych sistemach supraćpavietranaj abarony vykarystoŭvajucca rakiety koštam da niekalkich miljonaŭ dalaraŭ kožnaja. Naprykład, snarad dla sistemy ZRK Patriot kaštuje bolš za 4 miljony dalaraŭ.
Sistema DragonFire. Fota: Ministerstva abarony Vialikabrytanii
Pryncyp pracy prosty — mahutny patok łazieraŭ, sabrany ŭ pučok, vypalvaje matrycu samanavodnych rakiet ci aptyčnyja sistemy bieśpiłotnika.
Były namieśnik ministra ŭnutranych spraŭ Ukrainy Anton Hieraščanka ŭ svaim akaŭncie ŭ Ch pad videa vyprabavańnia napisaŭ kamientar:
«Ukraina hatovaja pryniać i vyprabavać pracu takoha łaziernaha kompleksu ŭ bajavych umovach».
Viadoma, što raspracoŭku takoj zbroi viaduć i inšyja krainy. Naprykład, u Rasii heta sistemy «Pieraśviet» i «Zadzira». Infarmacyja pra ich zasakrečanaja.
Čytajcie jašče:
Ukraina ŭžo siońnia moža atrymać ad ZŠA vysokadakładnyja kiravanyja bomby GLSDB — Politico
«Anka» — novaja supierzbroja Turcyi
Va Ukrainie ŭpieršyniu vykarystali «hibrydnuju» sistemu SPA FrankenSAM
