Wikimedia Commons
Admirał Filip de Hol, starejšy syn histaryčnaha lidara Francyi hienierała Šarla de Hola, pamior na 103-m hodzie žyćcia, paviedamiła ahienctva Agence France-Presse.
Filip de Hol naradziŭsia ŭ Paryžy 28 śniežnia 1921 hoda. Šarl de Hol kazaŭ, što Filip byŭ nazvany ŭ honar prodka jaho siamji Žan-Batysta de Hola, ale śćviardžałasia, što jaho nazvali ŭ honar hienierała Filipa Pietena, hieroja Pieršaj suśvietnaj, vialikim prychilnikam jakoha byŭ jaho baćka, i jaki ŭznačaliŭ kałabarancki ŭrad padčas Druhoj Suśvietnaj i za što byŭ asudžany na 10 hadoŭ paśla 1945 hoda.
Jon atrymaŭ adukacyju ŭ kaledžy Stanisłava de Pary, dzie taksama vučyŭsia jaho baćka, i paśla pastupiŭ na słužbu ŭ Vajskova-marski fłot Francyi.
Padčas Druhoj suśvietnaj vajny Filip de Hol udzielničaŭ u kampanii ŭ Ła-Manšy i ŭ bitvie za Atłantyku, udzielničaŭ u bitvie za Francyju ŭ jakaści kamandzira ŭzvoda pałka fuzileraŭ-marpiechaŭ.
25 žniŭnia 1944 hoda jon udzielničaŭ u vyzvaleńni Paryža i byŭ pasłany sa stancyi Manparnas pieradać zahad ab kapitulacyi niemcaŭ, jakija zasieli ŭ Burbonskim pałacy, u pamiaškańnie Nacyjanalnaha schodu. Ryzykujučy być zastrelenym, kali niešta pojdzie nie tak, jon vioŭ pieramovy ŭ adzinočku i biez zbroi. Jon vajavaŭ u Vahiezach zimoj 1944-1945 hadoŭ.
Paśla vajny zaniaŭsia vajskovaj karjeraj, u 1971 hodzie dasłužyŭsia da kontr-admirała, a potym vice-admirała.
Z 1986 pa 2004 hod Filip de Hol zajmaŭ pasadu sienatara Francyi ad Paryža.
Čytajcie taksama:
Pamierła mahiloŭskaja katalička Iryna Šlakava, narodžanaja ŭ stalinskaj ssyłcy
Pamior Eryk Karmen — aŭtar suśvietna viadomaha chita All by Myself
