Miemaryjał u Chatyni. Fota: Wikimedia Commons
Ministerstva zavastraje ŭvahu na nieabchodnaść jašče bolšaha ŭzmacnieńnia ideałahičnych patrabavańniaŭ da ekskursavodaŭ i hidaŭ-pierakładčykaŭ:
«Hetyja asoby ŭ siłu svaich prafiesijnych i etyčnych patrabavańniaŭ abaviazanyja prajaŭlać pavahu da historyi raźvićcia biełaruskaj dziaržaŭnaści, taksama jak farmiravać ujaŭleńnie pra Respubliku Biełaruś jak pra krainu, pryvabnuju dla turystaŭ i ekskursantaŭ, nie dapuskajučy subjektyŭnych niekarektnych vykazvańniaŭ pra krainu», — havorycca ŭ abhruntavańni źmienaŭ.
Akramia taho, prapanujecca pašyryć śpis kryminalnych złačynstvaŭ, na dačynieńnie da jakich praviarajuć tych, chto choča atestavacca jak ekskursavod abo hid-pierakładčyk. U pieralik chočuć uklučyć artykuły 130-1 i 130-2 Kryminalnaha kodeksa Biełarusi (reabilitacyja nacyzmu i admaŭleńnie hienacydu biełaruskaha naroda).
«Hetyja miery nakiravanyja na prafiłaktyčnuju pracu z ekskursavodami i hidami-pierakładčykami i zaklikanyja ŭzmacnić ich adkaznaść u metach niedapuščeńnia skažeńnia faktaŭ historyi ŭ pieryjad Vialikaj Ajčynnaj vajny», — tłumačyć Minsportu.
Za parušeńnie patrabavańniaŭ prapanujecca pazbaŭlać ekskursavodaŭ i hidaŭ-pierakładčykaŭ prava pracavać u hetaj śfiery na piać hadoŭ.
Čytajcie taksama:
Turbiznes narakaje, što z-za dziaržaŭnych abmiežavańniaŭ jamu nie chapaje ekskursavodaŭ
U Kareličach aryštavali ekskursavoda Juryja Krasoŭskaha. Dla jaho heta ŭžo čaćviorty raz
