Akazałasia, što ŭ biaspłatnaj prybiralni na zapraŭcy, što znachodzicca na trasie M6 Minsk — Hrodna ŭ rajonie źjezdu na Iŭje, jość nietypovy pisuar, jaki bolš nahadvaje nievialikuju mietaličnuju vannu.
Ale heta jašče nie ŭsio. Samaje hałoŭnaje — nad im prosta ŭ ścianu dla niejkich metaŭ umantavany manitor z tačskrynam, na jakim tranślujucca kadry ź vidami pryrody (aŭtar videa śćviardžaje, što heta Madejra).
U kamientarach usie taksama nie zastalisia abyjakavymi da takoj niezvyčajnaj łakacyi. Pieršaje, čym zadalisia karystalniki tyktoku, — pytańniem, ci možna pieraklučać słajdy na manitory strumieniem.
Vykazvalisia i aściarohi, što praz manitor za tym, jak čałaviek robić svaje spravy, moža chto-niebudź nazirać. Inšyja pisali, što takija navaročanyja prybiralni prosta-taki vyklikajuć pačućcio honaru za Biełaruś, a inšyja paryravali, što, maŭlaŭ, «u Aŭstryi takija na kožnym kroku».
Siarod kamientataraŭ znajšlisia byłyja rabotniki i častyja naviedvalniki hetaj cudoŭnaj AZS. Jany raskazali, što kaliści hetaja prybiralnia była płatnaj, a jašče paskardzilisia, što žanočaja častka čamuści abstalavanaja bolš ścipła.
Čytajcie taksama:
19-hadovaja nastaŭnica z Hrodna raskazała, jak zarablaje 1600 rubloŭ. Nie ŭsie joj vierać
U kabincy prybiralni barysaŭskaha hipiermarkieta pastavili kamieru
