«Minski kapučynatar» vyjaviŭ, što minskim restaranam «Animal Farm» vałodajuć suzasnavalniki «Sinezis».
«Sinezis» raspracavała sistemu raspaznavańnia tvaraŭ Kipod, na asnovie jakoj biełaruskija ŭłady zamovili ŭ kampanii raspracoŭku «Respublikanskaj sistemy manitorynhu hramadskaj biaśpieki». U 2020 hodzie hetaja sistema prymianiałasia dla identyfikacyi pratestoŭcaŭ. Viadomy jak minimum adzin publičny kiejs vykarystańnia sistemy ŭ represijach — zatrymańnie aktyvista-anarchista Mikoły Dziadka. Paśla padziej 2020 hoda kampanija i jaje suzasnavalnik Alaksandr Šatroŭ patrapili pad mižnarodnyja sankcyi. U 2023 hodzie jany prajhrali sudy ŭ ES, dzie sprabavali asprečyć rašeńni pa sankcyjach.
Restaran naležyć kampanii «Oru Eł», jakoj vałodajuć dva čałavieki — Dźmitryj Šviadko i Piotr Šatroŭ.
Dźmitryj Šviadko — fihuruje ŭ šerahu kampanij hrupy «Sinezis» jak saŭładalnik abo dyrektar.
Piotr Šatroŭ — brat Alaksandra Šatrova, taksama ŭdzielničaŭ u zasnavańni i kiravańni «Sinezisam».
Darečy sam Alaksandr Šatroŭ — były saŭładalnik restarana.
«Sinezis» i Šatroŭ taksama źviazany z nabližanym da Łukašenki biznesoŭcam — Alaksiejem Aleksinym. I razmova nie pra pryvidnyja suviazi — kampanii Aleksina i jaho žonka ŭvachodzili ŭ skład uładalnikaŭ niekalkich kampanij hrupy «Sinezis».
Darečy, sam Alaksiej Aleksin taksama patrapiŭ pad sankcyi i ŭ 2023 hodzie taksama prajhraŭ sud u ES pa asprečvańni sankcyj.
Čytajcie taksama: