Ministr zamiežnych spraŭ Ukrainy Dźmitryj Kuleba pierakanany, što kali rasijski prezident napadzie na bałtyjskija krainy, jany buduć advažna abaraniacca ad «voraha, jaki pieraŭzychodzić jak pa dośviedzie, tak i pa mahčymaściach», a NATA spatrebicca niekalki dzion, kab vyrašyć, jak reahavać.
«Zrešty, ja dumaju, što NATA voźmie vierch. Ale pahladzicie na Bachmut, pahladzicie na Aŭdziejeŭku — tak buduć vyhladać krainy Bałtyi paśla intensiŭnych bajavych dziejańniaŭ. Tak buduć vyhladać vašyja harady. Vilnia bolš nie budzie pryhožaj», — papiaredziŭ jon.
Mienavita tamu, pa słovach Kuleby, samy tanny i biaśpiečny sposab paźbiehnuć usiaho hetaha — padtrymać ukraincaŭ, jakija zmahajucca suprać rasijskaj ahresii.
Jon dadaŭ, što Litva razumieje heta, i tamu padtrymlivaje Ukrainu.
Čytajcie taksama:
Jakija nasielenyja punkty Rasija pasprabuje zachapić paśla Aŭdziejeŭki?
Papa zhadaŭ pra «bieły ściah» dla Ukrainy i hatovy być pasiarednikam
Francyja padpisała abaronnuju damovu z Małdovaj na fonie pahroz z boku Rasii
