«Tak, vorah praciahvaje atakavać našy pazicyi kiravanymi avijabombami, ale padlatać zanadta blizka ŭžo nie atrymlivajecca», — napisaŭ jon.
Kiravanyja avijabomby (KAB) ujaŭlajuć adnu z hałoŭnych niebiaśpiek dla sałdat USU na froncie i dla žycharoŭ pryfrantavych haradoŭ. Rasija aktyŭna vykarystoŭvaje dla ich skidu bambaviki Su-34.
U siaredzinie studzienia stała viadoma, što ŭkrainskija siły źbili rasijski samalot dalokaha radyjołakacyjnaha vyjaŭleńnia (DRŁV) A-50 i latajučy kamandny punkt Ił-22.
A ŭ lutym kamandavańnie USU zajaviła, što ŭsiaho za dva tydni z 17 pa 29 lutaha było źbita 13 rasijskich bajavych samalotaŭ, našmat bolš, čym za papiarednija miesiacy vajny. Pryčym 10 sa źbitych samalotaŭ — bambavalniki Su-34.
Ahułam pa stanie na 29 lutaha Rasija, pavodle źviestak hienštaba USU, straciła ŭžo 345 vajskovych samalotaŭ.
Rasija ŭ bolšaści vypadkaŭ nie pryznaje stratu svaich bajavych samalotaŭ, a pravieryć hetyja źviestki niezaležna va ŭmovach vajny składana.
Čytajcie taksama:
Arhiencina addała Ukrainie viertaloty, jakija atrymała ad Rasii
