Fota: MAK
Biełaruskim i rasijskim paralimpijcam dazvolili ŭdzielničać u Paralimpijadzie ŭ Paryžy ŭ niejtralnym statusie, paviedamiŭ Mižnarodny paralimpijski kamitet.
Paralimpijada ŭ Paryžy projdzie z 28 žniŭnia pa 8 vieraśnia paśla skančeńnia Letniaj Alimpijady.
U sakaviku 2022 hoda biełaruskija i rasijskija paralimpijcy byli adchilenyja ad Zimovaj Paralimpijady ŭ Piekinie, bo jana pačałasia paśla poŭnamaštabnaha ŭvarvańnia Rasii va Ukrainu z vykarystańniem biełaruskaj terytoryi. U Zimovaj Alimpijadzie biełarusy i rasijanie ŭdzielničali.
Što da Alimpijady ŭ Paryžy, to biełarusy i rasijanie dapuščanyja da jaje ŭ niejtralnym statusie z umovaj asudžeńnia vajny i admovy supracoŭničać ź siłavymi viedamstvami. Taksama treba paśpieć prajści kvalifikacyjnyja adbory.
