Uładzimir Ryzhunski
Pra zatrymańnie 65-hadovaha hałoŭnaha ŭrača Minskaha abłasnoha centra hihijeny i epidemijałohii Uładzimira Ryzhunskaha paviedamlałasia ŭ mai 2023 hoda. Tady pryčyny pieraśledu byli nieviadomyja.
Uładzimir rodam z Naračy Miadzielskaha rajona. 20 hadoŭ byŭ hałoŭnym sanitarnym uračom Vałožynščyny. Paśla jaho pieraviali ŭ Minsk, jon daros da pasady hałoŭnaha sanitarnaha ŭrača Minskaj vobłaści.
Druhi čałaviek, jaki prachodzić pa spravie razam z Ryzhunskim — biznesmien rodam z Armienii Miesrop Daŭcian. U intervju dla dziaržaŭnych kanałaŭ jon raskazaŭ, što ŭ 90-ja pryjechaŭ u Biełaruś i vyrašyŭ tut zastacca. Za hety čas jon adkryŭ restaran «Ačah» pad Minskam i sietku aŭtamyjniaŭ. Siarod jahonych chobi — kalekcyjanavańnie savieckich retraaŭtamabilaŭ. U mužčyny čaćviora dziaciej.
Miesrop Daŭcian. Fota: YouTube
Admietna, što biznes Daŭciana ledź nie prahareŭ — budovu restarana pryznali niezakonnaj. Miesrop napisaŭ list Łukašenku, u jakim patłumačyŭ situacyju: maŭlaŭ, nie chacieŭ parušać zakon, a prosta nie zdoleŭ razabracca.
Administracyja Łukašenki pajšła nasustrač i dazvoliła Daŭcianu praciahnuć biznes — za heta, miarkujučy ź intervju, Miesrop vielmi palubiŭ kiraŭnika krainy.
Treciaja ŭ spravie — Viktoryja Jemiljanovič, užo byłaja namieśnica načalnika adździeła pa hramadzianstvie i mihracyi UUS Minskaha rajvykankama. Raniej jana pracavała staršym inśpiektaram u Pieršamajskim AHIM Minska, a ŭ 2014-m niejki čas navat była načalnicaj Frunzienskaha AHIM Minska.
Viktoryja Jemiljanovič. Fota: Ukantakcie
Sud pačynajecca 7 sakavika 2024-hoda. Siarod artykułaŭ — «dača chabaru», «atrymańnie chabaru», «słužbovy padłoh» i «niezakonnyja dziejańni ŭ dačynieńni da zbroi abo vybuchovych rečyvaŭ».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Syna eks-ministra pryrody pačynajuć sudzić za chabar
U Breście zatrymlivali i eks-mera Rahačuka, i abłasnoha kiraŭnika Šulejku
Eks-kiraŭnika homielskaha Bielinviestbanka sudziać pa troch artykułach. Dva ź ich niečakanyja
