02.03.2024
/ 10:38 / Ałharytmičny łacinski varyjant
U Homieli za «palityku» asudzili hałoŭnaha inžyniera «Miłkavity»
Dva tydni ŭ Homielski abłasnym sudzie razhladałasia kryminalnaja sprava byłoha hałoŭnaha inžyniera homielskaha pradpryjemstva «Miłkavita» Alaksandra Struhalskaha. 47-hadovaha žychara Homiela abvinavacili ŭ finansavańni «ekstremisckaj» dziejnaści pavodle art. 361-2 KK. Spravu z 25 studzienia razhladaŭ sudździa Siarhiej Bahinski.
Alaksandra zatrymlivaŭ HUBAZiK jašče 4 kastryčnika 2022 hoda. Uvieś hety čas doŭžyłasia papiaredniaje śledstva. Da suda utrymlivaŭsia ŭ SIZA №3 Homiela, piša «Viasna».
Pavodle praŭładnych telehram-kanałaŭ, dzie było apublikavanaje videa, Struhalski «sprabavaŭ sarvać praviadzieńnie respublikanskaha refierendumu, a taksama dasyłaŭ hrošy ŭ fond «Bajsoł».
Inšyja akaličnaści spravy pakul nieviadomyja.
Prysud byŭ abvieščany 13 lutaha. Struhalskaha pakarali abmiežavańniem voli terminam na try hady biez nakiravańnia va ŭstanovu adkrytaha typu (heta značyć «chatniaja chimija»).
Čytajcie taksama:
«Butelkaj z vadoj śledčy vybiŭ mnie zuby». Były palitviazień Michaił Žamčužny raskazaŭ pra svajo apošniaje zatrymańnie
Sud u Homieli prysudziŭ miascovamu žycharu try hady chatniaj chimii za danat u «Bajsoł»
Dalnabojščyka abvinavačvali ŭ padryvie pietardy la vajennaj kałony, ale asudzili za ŭdzieł u ekstremisckim farmavańni
Nashaniva.com