Fota z čata «Narodny kantrol Rahačova»
25 lutaha žančynie daviałosia chavać na mohiłkach baćku.
«Skazać, što my byli ŭ šoku — heta ničoha nie skazać! Mała taho, što ŭsia daroha da miesca novych pachavańniaŭ — sucelnaja miešanina z hrazi, dzie mašyna ź ciažkaściu prajazdžaje, dyk jašče i miescy dla mahił prapanavanyja ŭ takim miescy, što ŭ pieršyja chviliny navat i nie vierycca, što takoje mahčyma», — kaža žycharka rajcentra.
Jana apisvaje ŭbačanaje tak: «Vada, hlina, brud, susiednija mahiły z-za vady prasiełyja, niekatoryja naohuł pad vadoj».
I praciahvaje dzialicca ŭražańniami:
«Kali pryvieźli niabožčyka na mohiłki, katafałk navat nie dajechaŭ da mahiły, i mietraŭ z 200 pryjšłosia nieści trunu na plačach nad inšymi mahiłami! Heta narmalna?»
Žančyna pastaviła pierad adkaznymi asobami šerah pytańniaŭ:
- Pakłali b vy svajho rodnaha čałavieka na viečny spakoj u jamu z vadoj, kab praź miesiac hetaja mahiła pajšła pa vadu?
- Pa jakich kryteryjach abo mierkavańniach raspracoŭvajuć ŭčastki dla pachavańniaŭ? Nie vyvučajučy blizkaść hruntavych vod, nie razmaŭlajučy z rabotnikami, jakija kapajuć mahiły?
- Kali buduć pryviedzienyja ŭ paradak darohi ŭ novaj častcy mohiłak?
«I nie treba pisać, što było šmat śniehu, potym jon rastavaŭ, potym daždžy i nie prasochła ziamla. Usio heta adhavorki. Uzimku śnieh nie čyściŭsia tołkam, navat na centralnaj darozie mohiłak. U suchuju paru hoda daroha nie raŭniajecca, nia padsypajecca. U inšych haradach centralnaja daroha ŭ asfalcie, a ŭ nas…», — padsumavała žycharka Rahačova.
Fota z čata «Narodny kantrol Rahačova»
Taksama jana zadałasia pytańniem, «ci buduć źmieny ŭ lepšy bok pry novych deputatach, ci apraŭdajuć jany akazany im davier».
Adkazaŭ čynoŭnikaŭ na paviedamleńnie žančyny ŭ čacie rajvykankama nie było.
Raniej stała viadoma pra prablemy z adviadzieńniem vady na novych mohiłkach u Baranavičach i Oršy.
Čytajcie taksama:
U Oršy novyja mohiłki pieratvarylisia ŭ sucelnuju koŭzanku VIDEA
Videa z novych płavajučych mohiłak pad Baranavičami ŭzarvała tyktok
biez kamientaroŭ