Fota: palicyja Varšavy
25-hadovy mužčyna, jaki na vychodnych žorstka napaŭ na 20-hadovuju dziaŭčynu ŭ centry Varšavy, znachodzicca pad aryštam na try miesiacy. Mužčyna abvinavačvajecca ŭ zamachu na zabojstva ŭ suviazi sa zhvałtavańniem i rabavańniem. Padazravanamu pahražaje pažyćciovaje źniavoleńnie. Jak nieaficyjna daviedaŭsia žurnalist RMF FM, mužčyna pryznaŭ siabie vinavatym pa abvinavačvańni.
Pavodle fakt.pl, padazravanaha mužčynu zavuć Dorjan. Žyvie ŭ Varšavie ź vieraśnia minułaha hoda. Zdymaje kvateru razam sa svajoj dziaŭčynaj. Raniej mieŭ prablemy z zakonam — byŭ sudzimy za zachoŭvańnie narkotykaŭ i šmatrazovyja kradziažy. Fota: staronka padazravanaha ŭ fejsbuku
Padazravany źjaŭlajecca žycharom Varšavy. U minułym jaho karali za zachoŭvańnie narkotykaŭ i kradziež.
Palicyjanty na nastupny dzień paśla napadu na dziaŭčynu zatrymali mužčynu na vulicy Rakavieckaj u staličnym rajonie Makotuŭ. Jaho partniorka, jakaja znachodziłasia doma padčas pieratrusu, daviedałasia, u čym padazrajecca 25-hadovy mužčyna.
U jaho kvatery była znojdziena kniha pra seksualnyja złačynstvy.
Śledčych, ź jakimi hutaryŭ žurnalist RMF FM, šakavali źvierskija pavodziny napadnika. Paśla zatrymańnia jon skazaŭ, što płanavaŭ rabavańnie, adnak sam incydent jon nie pamiataje.
Čytajcie taksama:
Biełarusku zhvałtavali i sprabavali zadušyć u centry Varšavy
Dla padtrymki zhvałtavanaj i pakalečanaj u Varšavie biełaruski adkryli dabračynny zbor
