Ukrainskija vajskoŭcy nad trunoj aficera Vasila Matvijčuka na mohiłkach u Karpatach u vioscy Kraśnik. Fota: Evgeniy Maloletka / AP
Ukrainskija ŭzbrojenyja siły za čas vajny z Rasijaj «stracili zvyš 444 tysiač vajskoŭcaŭ». Takuju acenku pryvioŭ u vystupleńni ministr abarony Rasii Siarhiej Šajhu. Pavodle jaho infarmacyi, u siarednim z pačatku 2024 hoda USU «štodnia hublajuć bolš za 800 čałaviek asabovaha składu i 120 adzinak roznaha ŭzbrajeńnia», piša «Nastojaŝieje vriemia».
25 lutaha prezident Ukrainy Uładzimir Zialenski na pres-kanfierencyi ŭ Kijevie paviedamiŭ, što z pačatku vajny kraina straciła 31 tysiaču vajskoŭcaŭ zabitymi. Kolkaść paranienych i źnikłych bieź viestak Zialenski nie nazvaŭ.
Prezident Ukrainy śćviardžaje, pavodle jaho infarmacyi, z rasijskaha boku za čas uvarvańnia zahinuła 180 tysiač vajskoŭcaŭ.
Abodva varahujučyja baki aficyjna nie raskryvajuć svaje straty.
Aficyjna Minabarony Rasii apošni raz nazyvała kolkaść svaich strataŭ u vieraśni 2022 hoda.
U pajmiennym śpisie zahinułych rasijan, jakija «Miedyjazona» i Rasijskaja słužba «Bi-bi-si», źbirajučy infarmacyju ŭ adkrytych krynicach, viaduć razam z vałanciorami, bolš za 44,6 tysiačy čałaviek.
«Mieduza» na asnova svajho analizu acaniła kolkaść strataŭ rasijskich vajskoŭcaŭ u 75 tysiač, a z ulikam strataŭ padčas šturmu Aŭdziejeŭki ŭ 83 tysiačy čałaviek.
Čytajcie taksama:
Zialenski ŭpieršyniu nazvaŭ kolkaść zahinułych ukrainskich vajskoŭcaŭ
Raźviedka Brytanii acaniła straty Rasii za dva hady vajny
Rasija za dva hady straciła kala 83 tysiač zabitymi — analiz statystyki
