Alena Bałdoŭskaja, skrynšot pres-kanfierencyi.
Sakratarka Centralnaj vybarčaj kamisii Alena Bałdoŭskaja raskazała, što na ŭčastku №248 prahałasavali šeść hramadzian Biełarusi z pašpartami, aformlenymi dla pastajannaha pražyvańnia za miažoj.
U siaredzinie «adzinaha dnia hałasavańnia» Bałdoŭskaja zajaŭlała, što faktaŭ udziełu ŭ vybarach «zamiežnych biełarusaŭ» nie było. Ale jana spadziavałasia, što da kanca dnia achvotnyja znojducca.
«Ale času da zakryćcia ŭčastkaŭ dla hałasavańnia jašče dastatkova. Mahčyma, źjaviacca achvotnyja našy hramadzianie, jakija aformili pastajannaje pražyvańnie za miežami krainy, jakija zachočuć uziać udzieł u vybarach deputataŭ», — skazała Bałdoŭskaja.
Paśla prezidenckich vybaraŭ 2020 hoda za miažoj pierastali adkryvać vybarčyja ŭčastki. Zamiest hetaha dla biełarusaŭ zamiežža stvaryli adziny ŭčastak u minskaj himnazii №75.
Čytajcie taksama:
«Nie prahałasuješ — vypišam z balnicy»
Karpienka namalavaŭ amal 42% hramadzian, jakija prahałasavali daterminova
