Minsk, praśpiekt Niezaležnaści. Ilustracyjnaje fota: Naša Niva
U Minsku prajšli masavyja zatrymańni architektaraŭ. Našy surazmoŭcy ŭ Minsku nazyvajuć ličbu «kala 40 zatrymanych». Razam ź imi zatrymlivali i členaŭ ichnich siemjaŭ — ahułam da 70 čałaviek. Niekatorych paśla adpuścili.
«Našaj Nivie» ŭdałosia paćvierdzić imiony piaci architektaraŭ, zatrymanych u Minsku. Niekatoryja ź ich atrymali sutki, suprać inšych zaviedzienyja kryminalnyja spravy. Nam viadoma, što jašče adnaho architektara zatrymali paśla viartańnia z-za miažy.
Pryčynaj zatrymańnia, imavierna, stali abvinavačvańni va ŭdziele ŭ ruchu za svabodnyja vybary i suprać dyktatury ŭ 2020 hodzie.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
