Pa infarmacyi «Našaj Nivy», na minułym tydni ŭ SIZA apynułasia adna z centralnych fihur biełaruskaha biznesu. Zatrymany Vasil Varfałamiejeŭ, saŭładalnik «Hipa», «Biełmarkieta», «Eliz» i inšych kampanij. Sens vystaŭlenych jamu pretenzij pakul nieviadomy.
Vasil Varfałamiejeŭ
U pačatku 2023 hoda Alaksandr Łukašenka na ŭsiu krainu aburaŭsia anamalna vysokim zarobkam kiraŭnictva sietki «Hipa».
Pa słovach kiraŭnika Dziaržkantrolu Vasila Hierasimava, hienieralny dyrektar «Hipa», jaki znachodzicca za miažoj, — u siarednim zarablaŭ 258 tysiač rubloŭ na miesiac. Heta kala $100 tysiač.
Sietka «Hipa» — 29 kramaŭ pa ŭsioj Biełarusi, 23 ź jakich skancentravany ŭ Minsku i jaho vakolicach.
Čytajcie taksama:
DziaržSMI apublikavali pamier zarobkaŭ kiraŭnikoŭ pryvatnych handlovych sietak i ich rabotnikaŭ
Vasil Varfałamiejeŭ u roznyja hady ŭvachodziŭ u top-20 samych upłyvovych biełaruskich biznesmienaŭ u rejtynhach, jakija składali ekanamičnyja žurnalisty.
Heta sapraŭdy bahaty čałaviek, jaki zrabiŭ kapitał na handli naftapraduktami, a potym pačaŭ układvacca ŭ rytejł i vytvorčaść. Samy znakamity, ale naŭrad ci samy prybytkovy biźnies Varfałamiejeva — sietka kramaŭ «Hipa».
«Hipa» ŭ handlovym centry «Halereja»
Raźviazanaja Pucinym i Łukašenkam vajna taksama pachavała ambicyjny prajekt pa adnaŭleńni račnoho sudachodstva pamiž Biełaruśsiu i Ukrainaj, jaki zbolšaha finansavaŭsia z hrošaj Varfałamiejeva. Płanavałasia, što Dniapro pahłybiać, u Nižnich Žarach uźniknie port z prakładzienaj da jaho čyhunkaj, adkul tavary buduć płyć da ŭkrainskich partoŭ, a adtul u Čornaje mora.
Ci na svabodzie inšy saŭładalnik «Hipa» — Aleh Baranoŭski, a taksama inšyja mieniedžary, nieviadoma.
Čytajcie taksama:
Pahrom u sietcy «Susiedzi»: KDK zatrymaŭ amal usio kiraŭnictva
«Kampaniju my vyrazajem»: zatrymany ŭłaśnik kramaŭ «Hryn» i HC «Skała» Hienadź Kirejkaŭ
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
