Fota: headmade.by
Apielacyjny sud Sierbii razhledzieŭ siońnia spravu ab ekstradycyi biełaruskaha režysiora Andreja Hniota. Praces skončany, sud pavinien pryniać rašeńnie na praciahu 20-30 dzion. Pakul Andrej Hniot zastajecca ŭ źniavoleńni, piša Deutsche Welle.
Andrej Hniot — biełaruski žurnalist, režysior telerekłamy i muzyčnych videa, a taksama palityčny aktyvist. Hniota nazyvajuć suzasnavalnikam «Svabodnaha abjadnańnia spartsmienaŭ Sos by», pryznanym u 2022 hodzie «ekstremisckim farmavańniem».
Andrej Hniot byŭ zatrymany 30 kastryčnika 2023 hoda ŭ Sierbii na zapyt Interpała z-za abvinavačańniaŭ pa ekanamičnaj spravie. Adnosna režysiora raspačata pracedura ekstradycyi ŭ Biełaruś.
Abarona Hniota ličyć jaho pieraśled z boku biełaruskich uładaŭ i zaniasieńnie ŭ śpis Interpała palityčna matyvavanym. 3 listapada 2023 hoda juryst režysiora Vadzim Drazdoŭ padaŭ zapyt na vydaleńnie danych, jakija tyčacca Andreja Hniota, u Kamisiju pa kantroli fajłaŭ Interpała, a 20 śniežnia 2023 hoda byŭ nakiravany zapyt ab pryniaćci časovych mier u Jeŭrapiejski sud pa pravach čałavieka z prośbaj ukazać uradu Sierbii nie ekstradavać Hniota ŭ Biełaruś.
