Vilnia, 2023 hod, marš na Dzień adnaŭleńnia dziaržaŭnaści Litvy. Ilustracyjnaje fota: madeinvilnius.lt
16 lutaha litoŭcy adznačajuć Dzień adnaŭleńnia Litoŭskaj dziaržavy. Siarod mnostva ŭračystaściaŭ u Vilni projdzie štohadovy maładziožny marš Pro Patria. Sioleta jon tradycyjna pačniecca ad pomnika adnamu z padpisantaŭ akta adnaŭleńnia litoŭskaj dziaržaŭnaści Jonasu Basanavičusu.
Udzielniki z pachodniami, nacyjanalnaj atrybutykaj projduć centralnymi vulicami litoŭskaj stalicy.
Ruch biełaruskich nacyjanalistaŭ prapanavaŭ dałučycca da ich biełaruskaj kałonaj ź bieł-čyrvona-biełymi ściahami.
Čytač «Našaj Nivy» vykazaŭ zaniepakoj mierkavanym udziełam u šeści biełarusaŭ.
Na jaho dumku, litoŭcy naŭrad ci buduć radyja bačyć «jakujuści biełaruskuju kałonu ź bieł-čyrvona-biełymi ściahami».
U Ruchu ŭstrymalisia adkazvać na pytańnie, ci apraŭdany zaniepakoj čytača nakont mahčymych na maršy nieparazumieńniaŭ ź litoŭcami. Adnak surazmoŭca adznačyŭ, što letaś kanfliktaŭ nie było.
«U minułym hodzie našy chłopcy taksama ŭ im udzielničali pad bieł-čyrvona-biełymi ściahami. Tady jašče nie było Ruchu, ale da pradstaŭnikoŭ Biełarusi na hetym šeści ŭsie stavilisia dobra», — adznačaje pradstaŭnik Ruchu.
Aktyvist zapeŭnivaje, što i sioleta nie pavinna być nijakich kanfliktaŭ.
«My histaryčna blizkija i siabroŭskija narody, da taho ž majem ahulnaha voraha — impierskuju Rasiju. Pamiž nami ŭ pryncypie nie moža i nie pavinna być nijakich kanfliktaŭ i supiarečnaściaŭ», — ličyć jon.
Pavodle jaho słoŭ, «siońniašni marš nie ultranacyjalistyčny, a patryjatyčny». Nacyjanalistyčnaje šeście litoŭcy pravodziać u inšy dzień.
Sioleta śviatočnyja ŭračystaści ŭ piatnicu i nastupnyja dva vychadnyja projduć pad uzmocnienym kantrolem palicyi.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Hladzicie taksama:
U Vilni prajšoŭ maštabny antyvajenny marš i mitynh. FOTY
Jak adznačajuć stahodździe abviaščeńnia niezaležnaści krainy kolišniaj Rasiejskaj Impieryi
