Pavodle paviedamleńnia, u noč z 14 na 15 lutaha ŭ Lelčyckim rajonie było nibyta zafiksavana parušeńnie hrupaj hramadzian dziaržaŭnaj miažy Biełarusi z boku Ukrainy. Asobnyja z hetych hramadzian byli zatrymanyja, u ich nibyta znajšli vybuchovyja pryłady i inšyja srodki paražeńnia.
Mienavita paśla taho, jak śćviardžajecca, było pryniata rašeńnie ab uviadzieńni režymu kontrterarystyčnaj apieracyi na terytoryi Lelčyckaha rajona.
Rajon byŭ błakavany, i ŭ im była praviedziena «čekisckaja vajennaja apieracyja», u vyniku jakoj na pamiežžy zatrymanyja «ŭdzielniki dyviersijna-raźviedvalnaj hrupy, jakaja składajecca z hramadzian Ukrainy, Biełarusi i ich pamahatych».
Varta adznačyć, što infarmacyju pra zatrymańnie «dyviersijna-raźviedvalnych hrup» sa zbrojaj padparadkavanyja Łukašenku śpiecsłužby zakidajuć rehularna ciaham mnohich hadoŭ. Niaredka paśla taho nijakich kankretnych dokazaŭ taho, što heta realnaść, a nie vydumka, nie dajecca, i pra spravu pacichu zabyvajucca.
Čytajcie taksama:
Łukašenka raskazaŭ pra kontrterarystyčnuju apieracyju ŭ Lelčycach
Lelčycki vykankam patłumačyŭ uviadzieńnie ŭ rajonie režymu kontrterarystyčnaj apieracyi vučeńniami
U Lelčycach na miažy z Ukrainaj uviedzieny režym kontrterarystyčnaj apieracyi
