Palina i Jana ŭ vypusku jutub-prajekta «Maksimalna» padzialilisia svaimi historyjami spatkańniaŭ praz dadatak Tinder, jaki z 15 lutaha syšoŭ ź Biełarusi.
Spatkańnie ź bliźniatami
Jana zhadvaje kryndžovaje spatkańnie, jakoje adbyłosia ŭ Minsku ŭ 2019 hodzie. U tyndary ź joj paznajomiŭsia chłopiec. Papierapisvalisia, sustrelisia, paśla pasvarylisia.
Jana. Skryn videa maksimalno / YouTube
«Ja zapomniła jaho imia — Anton. Prajšoŭ jašče niejki čas. Užo pačałasia vajna. Mnie było vielmi sumna, bo ŭsie siabry źjechali. Ja hartaju tyndar i baču tam hetaha chłopca. Ale štości jon nie Anton. Ja jaho łajknuła. Jon łajknuŭ mianie, napisaŭ: «Pryviet, pryhažunia». Ja tak dumaju: «A čamu ty nie Anton?» Spytała. Jon patłumačyŭ, što jon Artur, a Anton — jaho brat-bliźniuk.
I tut da mianie dachodzić, što małady čałaviek, ź jakim ja pierapisvałasia spačatku i nie sustrełasia, i toj, ź jakim sustrełasia — roznyja ludzi. Ja pravieryła pa «Ukantakcie». Sapraŭdy, heta dva braty, jakija vyhladajuć adnolkava. Jany žyli ŭ adnym pakoi, udvuch pracavali ŭ «Doda Pica» i ŭvieś miesiac śmiajalisia ź mianie.
Ja dahetul nie vieru, što heta dva čałavieki. Ja potym pahladzieła, što ŭ ich roznyja tatu, roznaja stylistyka. Ale navošta jany robiać adnolkavyja fotki ŭ tyndary? Jak dźvie lepšyja siabroŭki, što pajšli ŭ kaviarniu i robiać tyja ž samyja zdymki. Dyk i jany takija ž samyja.
Jak ja mahła zrazumieć, što heta dva roznyja čałavieki? Paśla hetaha ja vydaliła tyndar na niejki čas, vyrašyła, što mnie chopić na hety momant».
Spatkańnie z mužčynam, na 20 hadoŭ starejšym
Palina raspaviała pra spatkańnie padčas adnoj sa svaich pajezdak na kanikuły z Polščy ŭ Biełaruś.
«Ja pryjechała na zimovyja kanikuły. Mnie było 20 hadoŭ. Paznajomiłasia ź simpatyčnym mužčynam, jaki na 20 hadoŭ za mianie starejšy. My sustrelisia z čakanym zaviaršeńniem. Zrazumieła, heta było na adnu noč, bo ja nie šukała surjoznych adnosin u tyndary na kanikułach u Biełarusi. Spatkańnie było kłasnym. Usio było ramantyčna i pryhoža.
Palina. Skryn videa maksimalno / YouTube
Rankam pryjšli na kuchniu. Siadzim, pjom vino. Jon siadzić niejki sumny. Hladzić u adnu kropku. Ja spytała, čamu jon zadumaŭsia. Jon na mianie pahladzieŭ i skazaŭ: «Voś ja na ciabie hladžu. A ty mnie maju dačku nahadała». Ja zadałasia pytańniem, u jakim miescy i ŭ jaki momant ja jamu nahadała dačku i čamu jon vyrašyŭ skazać mnie pra heta paśla seksu.
Ja chacieła b skazać, što paśla hetaha pierastała sustrakacca z darosłymi mužčynami. Ale nie pierastała».
Spatkańnie ŭ saunie
Jana raspaviała pra pieršaje spatkańnie ŭ saunie. «Adnojčy ŭ mianie ŭźnikła ideja zaprasić chłopca na pieršaje spatkańnie ŭ varšaŭskuju saunu, dzie ŭsie hołyja. My damovilisia sustrecca kala sauny.
I skažu pra ścipłaść biełarusaŭ — jon nie pahladzieŭ na maje cycki. A ja pahladzieła na ŭsio.
Mnie było vielmi klova. Na moj pohlad, heta klovy farmat adkrytaści ludziej. Treba być upeŭnienym u sabie, kab pajści ŭ saunu na pieršaje spatkańnie».
Razam z hetym, dziaŭčyna zhadvaje, što byŭ momant niekamfortnaści. Ale nie z-za chłopca. U toj dzień u saunie ŭvohule nie było dziaŭčat.
Čytajcie jašče:
