Amierykanski taksi-servis Lyft na praciahu hetaha hoda skarocić kamandu ŭ Biełarusi. Pra heta top-mieniedžmient paviedamiŭ supracoŭnikam, daviedaŭsia Devby.io. Kampanija taksama paćvierdziła heta.
Taksi-servis Lyft vyrašyŭ skarektavać svaje płany «z-za hieapalityčnaj situacyi ŭ Biełarusi» i źviazanych z hetym ryzyk. Pra heta minskaja kamanda daviedałasia ŭ pačatku lutaha.
Adna z krynic paviedamiła, što Lyft u Minsku źbirajecca syści ź Biełarusi, supracoŭnikam paviedamili pra toje, što kampanija najbližejšym časam zakryjecca. Adnak pakul niama paćvierdžanaj infarmacyi ab płanavanym zakryćci minskaha ofisa Lyft.
Kampanija na zapyt adkazała, što pryniataja pastanova «skaracić prysutnaść u Biełarusi».
— Heta budzie adbyvacca ŭ niekalki etapaŭ na praciahu 2024 hoda, mnohija členy kamandy zmohuć dalej praciahvać akazvać pasłuhi Lyft. My cenim układ kamandy ź Biełarusi, i naša pryjarytetnaja zadača — padtrymać ich u pracesie vybaru dalejšaha šlachu, — raspaviali ŭ Lyft.
Častka supracoŭnikaŭ minskaha ofisa zmoža pracavać u Polščy. Lyft paviedamiła supracoŭnikam, što pakul nie płanuje adkryvać jurydyčnuju asobu ŭ Polščy, a budzie pracavać praz Poland PEO.
PEO (Professional Employer Organization) — heta inšaja płatforma, jakaja pradastaŭlaje pasłuhi aŭtsorsinhu HR klijentam B2B. rašeńnie dazvalaje kampanijam najmać supracoŭnikaŭ u lubym punkcie śvietu z zachavańniem usich patrabavańniaŭ i bieź nieabchodnaści stvareńnia zamiežnaj jurydyčnaj asoby.
Mižnarodnyja PEO-kampanii vykonvajuć usie abaviazki pa pracaŭładkavańni ad imia zakazčyka pasłuh — ad pryjomu na pracu da raźliku zarabotnaj płaty, padatkaŭ, ilhot i rełakacyi. Lyft pracuje z Velocity Global.
Taksama kampanija paviedamiła supracoŭnikam, što roli, jakija nie padpadajuć pad patrabavańni Poland PEO, buduć paetapna skasavanyja ŭ adpaviednaści z łakalnym zakanadaŭstvam.
Lyft zarehistravaŭ kampaniju ŭ Minsku ŭ mai 2015 hoda. Vosieńniu 2019 hoda stała viadoma, što Lyft nabyŭ kamandu, jakaja raniej pracavała nad servisam Juno ŭ Minsku. Na toj momant — 99 čałaviek.
Taksi-startap Juno zapuścili stvaralniki Viber Ihar Mahazinik i Talman Marka ŭ 2015 hodzie. Na toj momant jon pazicyjanavaŭsia jak sakretny prajekt, jaki «źmienić śviet», — fiškaj taksi-startapa byli apcyjony dla kiroŭcaŭ. U krasaviku 2017 hoda servis kupiła Gett, suma ŭhody skłała $200 młn, u 2018 hodzie kampanija navažyłasia pradać Juno i pakinuć amierykanski rynak.
U studzieni 2023 hoda ŭrad Biełarusi ŭklučyŭ jurydyčnuju asobu «Lift Biełer» u śpis kampanij z akcyjanierami ź niedružalubnych krain. Im (akcyjanieram) zabaranili adčužać svaje doli (akcyi) u statutnych fondach jurydyčnych asob u RB bieź śpiecyjalnaha dazvołu Minfina.
Uviesnu minułaha hoda Lyft abviaściŭ pra skaračeńnie hłabalnaj kamandy amal na čverć (1000+ čałaviek). Zvalnieńni zakranuli i minski ofis. Paźniej kiraŭnik minskaj kamandy Lyft (eks-Juno) Alaksiej Minkievič vykłaŭ u linkiedzinie fajł sa spasyłkami na profili «dobrych ludziej», jakija «vyzvalilisia» ŭ vyniku skaračeńniaŭ u taksi-servisie. U im było 11 supracoŭnikaŭ. Bolšaść pracavała ŭ Polščy.
U minułym hodzie hłabalny štat Lyft naličvaŭ kala 4 tysiač supracoŭnikaŭ. U Biełarusi pracuje bolš za 100 čałaviek. Na sajcie kampanii raźmieščana bolš za 200 vakansij, ale ŭ liku łakacyj niama Minska. Kampanija — rezident PVT.
Čytajcie taksama:
Jak maršrutny biznes prahinajuć pad dziaržaŭnyja aŭtaparki
Minskija ŭłady suprać, kab pasažyraŭ u maršrutkach pieravozili stojačy
