Akcyja suprać intehracyi ŭ Minsku. 7 śniežnia 2019 hoda. Časam hetyja fota pościli i dziaržaŭnyja kanały
«Ja pamiataju, jak niezadoŭha da 2020 hoda da mianie pryjšoŭ Mikoła Statkievič», — pryhadała nobieleŭskaja łaŭreatka.
«Da toj razmovy ja nie viedała, nakolki jon tonki palityk. Jon mnie tady skazaŭ: «Śviatłana, heta apošniaja spakojnaja vosień, chutka ŭ Biełarusi budzie vielmi kiepska».
Ja jamu nie pavieryła, kazała pra toje, jakaja ŭ nas moładź, kolki raznastajnych hramadskich inicyjatyvaŭ, jak zavarušyłasia hramadstva. Jon z sumam na mianie pahladzieŭ i zrazumieŭ, što ŭ mianie adsutničali niejkija anteny.
I niedzie ŭ toj ža čas u mianie była sustreča z našym znakamitym madeljeram Alaksandram Varłamavym. Jon da hetaha pravioŭ niekalki hadoŭ u turmie.
My ź im viali razmovu ab roznym, ab pryhažości, i raptam jon kaža: «My z vami budziem nieŭzabavie ŭciakać adsiul».
«Mianie heta ŭraziła. Toje, što ciapier z nami adbyvajecca — heta niemahčyma było sabie ŭjavić u 2019-m — na pačatku 2020 hoda», — skazała Śviatłana Aleksijevič.
Čytajcie taksama:
Śviatłana Aleksijevič: Čamu my akazalisia ŭ rukach samaj prymityŭnaj dyktatury, składana adkazać
panitavaryš Aleksijevič, jakaja sama siabie nazyvała savieckaj, taksama dadała ad siabie małuju cahlinku ŭ hetym płanie, u tym liku napadkami na biełaruskich "nacyjanalistaŭ" (tak nazyvała tych, jakija papiaredžvali pierad Rasijaj) dy abaronaj rasiejskaj kultury, jakuju jana ličyć taksama svajoj.